飛機係天上飛，少不免就會遇到風🌬。大家搭飛機嘅時候，或多或少都會遇過氣流，彈上彈落好鬼過癮（貪玩嘅Sam哥係模擬飛行試完返唔到轉頭🌝）。究竟，對於一程機而言，風有咩影響呢？
👨✈我成日都話，「飛就順風，起飛同降落要逆風。」一個正常嘅起降，機師有得揀都會揀逆風LANDING🛬（嚴格啲嚟講係ATC揀）。逆風起降最大嘅好處，就係可以縮短飛機起降的滑跑距離，用最短跑道距離起飛，用最短跑道距離著陸，以換取更好嘅穩定性同安全性👌。近年技術不斷發展，飛機速度同穩定性都有好大嘅改進，風向對飛機的起降影響亦都減少唔少。
🌀除左順風逆風，機師最在意嘅事就係側風（Crosswind）。顧名思義，側風就係指同某行進方向有正交分量嘅風。一般航行嘅時候，側風影響飛機嘅問題唔大，最多都係蕩兩下📣叫大家埋位扣返安全帶，但係起飛🛫降落🛬嘅時候就會有好大影響。由於跑道方向主要考慮逆風，只要配合跑道方向基本上就唔會出現問題，但係側風問題就唔可以靠改變單一跑道方向去處理。如果側風過勁，機師就只能夠考慮其他角度嘅跑道。之不過，唔係個個機場都有超過一條跑道，好似香港赤鱲角機場有兩條以上嘅跑道但又係互相並排，根本用邊條跑道升降都會有側風🙅🏻♂🙅🏻♀，所以機師有時只可以係揀空中徘徊🔄或者放棄升降❌。
💺相信大家經歷最多停飛嘅原因應該係颱風🌪。颱風當然會對航班飛行安全構成嚴重嘅威脅啦⚠。但係，起飛與否，要睇當時嘅實際情況。空管同機長會根據實際嘅天氣情況而決定是否起飛、幾時起飛，呢個就係點解要係臨飛之前開簡報會嘅原因──研究航行路線⤴同風向氣壓🌬。
「咁點解有時飛得有時唔飛得先？🤬」
🇭🇰以香港嚟講，颱風打到果陣，香港風向會出現變化：👆🏻，當個風係香港西面登陸，風會由東北風轉為東南風。東南風同機場跑道垂直，形成側風，當側風大過每小時廿五海里（大概3⃣號風球左右），機師就會考慮取消升降或者轉飛其他地方（所以有時打三號風照Cancel/Delay就係咁解）。✌🏻，如果個風在香港東面登陸，風會由東北風轉為西北風。西北風同跑道垂直，同樣形成側風，就會同情況一一樣構成危險⚠。👌，當香港吹東北風或者西南風果陣，即使個風去到烈風程度，係唔形成側風嘅情況下，飛機都可以如常咁升降（當然我哋都會考慮有冇其他因素）。
講到尾，係香港揸飛機✈，係唔會有「上頭」嘅壓力👨🏻⚖，只會有「頭上」嘅壞天氣🙆🏻♂。機師決定起飛定延遲，航空公司都會按既定嘅規矩去決定。有時，同一個天氣，唔同公司會有唔同嘅決定，梗有啲機師會Eason Chan上身唱起歲月如歌🎤，「天氣不似預期，但要走，總要飛」，鐘意搏命。👊🏻
🌀風季就到，希望大家下次遇到延誤，不妨用友善嘅態度問候服務你哋嘅空姐空少，因為冇人會想係機場呆坐嘅，搭飛機始終都係一件享受，係咪？🤗🤗
-----------------------
Facebook: Sam哥飛機駕駛艙
Instagram: Samgorflight
👨✈我成日都話，「飛就順風，起飛同降落要逆風。」一個正常嘅起降，機師有得揀都會揀逆風LANDING🛬（嚴格啲嚟講係ATC揀）。逆風起降最大嘅好處，就係可以縮短飛機起降的滑跑距離，用最短跑道距離起飛，用最短跑道距離著陸，以換取更好嘅穩定性同安全性👌。近年技術不斷發展，飛機速度同穩定性都有好大嘅改進，風向對飛機的起降影響亦都減少唔少。
🌀除左順風逆風，機師最在意嘅事就係側風（Crosswind）。顧名思義，側風就係指同某行進方向有正交分量嘅風。一般航行嘅時候，側風影響飛機嘅問題唔大，最多都係蕩兩下📣叫大家埋位扣返安全帶，但係起飛🛫降落🛬嘅時候就會有好大影響。由於跑道方向主要考慮逆風，只要配合跑道方向基本上就唔會出現問題，但係側風問題就唔可以靠改變單一跑道方向去處理。如果側風過勁，機師就只能夠考慮其他角度嘅跑道。之不過，唔係個個機場都有超過一條跑道，好似香港赤鱲角機場有兩條以上嘅跑道但又係互相並排，根本用邊條跑道升降都會有側風🙅🏻♂🙅🏻♀，所以機師有時只可以係揀空中徘徊🔄或者放棄升降❌。
💺相信大家經歷最多停飛嘅原因應該係颱風🌪。颱風當然會對航班飛行安全構成嚴重嘅威脅啦⚠。但係，起飛與否，要睇當時嘅實際情況。空管同機長會根據實際嘅天氣情況而決定是否起飛、幾時起飛，呢個就係點解要係臨飛之前開簡報會嘅原因──研究航行路線⤴同風向氣壓🌬。
「咁點解有時飛得有時唔飛得先？🤬」
🇭🇰以香港嚟講，颱風打到果陣，香港風向會出現變化：👆🏻，當個風係香港西面登陸，風會由東北風轉為東南風。東南風同機場跑道垂直，形成側風，當側風大過每小時廿五海里（大概3⃣號風球左右），機師就會考慮取消升降或者轉飛其他地方（所以有時打三號風照Cancel/Delay就係咁解）。✌🏻，如果個風在香港東面登陸，風會由東北風轉為西北風。西北風同跑道垂直，同樣形成側風，就會同情況一一樣構成危險⚠。👌，當香港吹東北風或者西南風果陣，即使個風去到烈風程度，係唔形成側風嘅情況下，飛機都可以如常咁升降（當然我哋都會考慮有冇其他因素）。
講到尾，係香港揸飛機✈，係唔會有「上頭」嘅壓力👨🏻⚖，只會有「頭上」嘅壞天氣🙆🏻♂。機師決定起飛定延遲，航空公司都會按既定嘅規矩去決定。有時，同一個天氣，唔同公司會有唔同嘅決定，梗有啲機師會Eason Chan上身唱起歲月如歌🎤，「天氣不似預期，但要走，總要飛」，鐘意搏命。👊🏻
🌀風季就到，希望大家下次遇到延誤，不妨用友善嘅態度問候服務你哋嘅空姐空少，因為冇人會想係機場呆坐嘅，搭飛機始終都係一件享受，係咪？🤗🤗
-----------------------
Facebook: Sam哥飛機駕駛艙
Instagram: Samgorflight
請按此登錄後留言。未成為會員? 立即註冊