【2018航空奧斯卡出爐】因航變成阿仙奴前4不保

Sam哥飛機駕駛艙 於 02/08/2018 發表 收藏文章
▶人稱「航空奧斯卡」嘅Skytrax,前陣子就公佈咗2018年全球最佳航空公司排名,以及公佈其他相關獎項。作為全球最具認受性的航空界獎項,Skytrax當然有過人之處,除咗不受贊助及外界影響嘅獨立評核制度外,佢哋亦以乘客嘅搭機體驗評分及意見作出科學化計算,而判定每間航空公司各項優⭕/缺點❌,並就每個項目或航空公司性質頒發獎項。同時,Skytrax於評審後,亦會對每間參與在內嘅航空公司發出星級評定,令所有旅客可以根據有關獎項同排名💯,作出最合需要嘅選擇。


⚜當中較大型嘅獎項包括:全球最佳機組人員 (The World's Best Airline Cabin Crew);全球最佳商務艙 (World's Best Business Class);全球最佳經濟艙 (World's Best Economy Class);全球最佳區域航空 (World's Best Regional Airlines);全球最佳機艙清潔 (World's Best Airline Cabin Cleanliness) 以及全球最有改善航空公司 (World's Most Improved Airlines)等等。

‼但最受關注嘅,就肯定係以下呢個 「今年全球最佳航空公司排名」‼

1.新加坡航空🇸🇬
2.卡塔爾航空🇶🇦
3.全日空航空🇯🇵
4.阿聯酋航空🇦🇪
5.長榮航空🇹🇼
6.國泰航空🇭🇰
7.漢莎航空🇩🇪
8.海南航空🇨🇳
9.嘉魯達印尼航空🇮🇩
10.泰國航空🇹🇭

無錯,你無睇錯!因航又一次不失大家所望,排名又再一次下跌,由上年第5名,下降至今年第6名,為2013年以來最差,因航果然係因航。相反,有唔少亞洲航空公司突圍而上,當中令人眼前一亮的,肯定非新加坡航空🇸🇬莫屬。自2008年後,新加坡航空🇸🇬雖未再成為全球第一,但今年憑藉集團着重不停改善服務及對中長綫航班客機的投資,令新加坡航空再次成為全球最佳,同時更得到全球最佳頭等艙、亞洲最佳航空公司、亞洲最佳商務艙等獎項。而去年第一嘅卡塔爾航空,今年則排第二,亦同時獲全球最佳商務艙等殊榮。

除此以外,以台灣為基地嘅長榮航空排名上升至第五位;海南航空亦成功打入全球十大,排名第八,再次成為中國最佳航空公司;南方航空則成為全球最有改善嘅航企。

🔰雖然,國泰排名有所下跌,但今年就成功榮膺全球最佳經濟艙、商務艙等奬項。

✈點都好,坐飛機都係想平安去,平安返,安安全全、舒舒服服就夠啦~
-----------------------
Facebook: Sam哥飛機駕駛艙
Instagram: Samgorflight

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→