航空業呢一行，因為員工流動性大，除咗講吓今期Crew Meal王之類嘅八卦新聞之外，聽得最多嘅就係鬼故👻。無論係飛機上嘅鬼故，定係辦公室入面嘅鬼故，我都聽過。今次我想講一個飛機執勤嘅時候親身經歷嘅鬼故。
由Airside「過河」到我所屬嘅NSC登機閘口，途中我不忘表現都市人嘅常態── 一路行一路玩手機📱。我一邊拖住喼，一邊一個高炒，往「唉瘋」上快門掣一按，搞掂，就同身邊嘅家人朋友「交貨」。屏幕上方突然彈出一段信息──「傻強: 網上瘋傳一張『伊斯蘭教徒疑遭真主附體人間消失』……」。呢個傻強真係傻嫁！每次我執勤都一定收到來自佢嘅長輩圖👨👩👧👦、以「亞洲十大靈異酒店」諸如此類為題嘅文章。我輕易地屈服喺標題黨之下，自然借呢個空檔睇下呢個老死嘅「傑作」，殊不知原來呢個先係怪事嘅開端……
入夜。飛機已經起飛咗一段時間，Captain做手勢暗示我先去休息，離開駕駛艙徑步走經EY嘅我，向客艙環顧張望，一眾Crew按部就班，賣bar嘅賣bar，做J嘅做J，正常過唔正常。突然F28嗰位巴基斯坦男人(下稱祈禱男)call 起light來💡，我示意響前廚房閒聊嘅其中一位Crew Teddy去睇一下發生咩事，然後就行到後廚房打算飲杯暖水。交涉咗一輪之後，祈禱男就由座位走到我身旁位置臉朝我方向跪低、鞠躬、叩頭🙇♂。
過咗一陣，大家姐突然出現響我同祈禱男之間，並向我搭起訕來🏃♀。
「Sam，你想食咩呀？我留多set meal俾你好冇？」
「隨便啦，同Cap果份唔同就得嫁啦。」Call燈又著💡，我借機使開大家姐以換取耳根清淨，「有Call燈。」
大家姐行開果一刻，恐怖嘅事就發生😨。祈禱男唔見咗，前後唔夠兩分鐘。我腦海突然閃過登機之前讀過果篇傻強嘅農場新聞。伊斯蘭教徒👳♂？人間消失🌫？唔L係掛？我並冇諗太多就爬上通往Crew Bunk嘅樓梯休息等Call😴，不作他想。
過咗好幾陣子，Cap打電話嚟要我stand by，我執好個頽Look之後就走出Crew Bunk，順便從Teddy同大家姐身上打聽一下釋除我剛才嘅疑雲☁。
「個中東佬？佢問我邊面向東，我是但指咗個方向俾佢囉。👉」
「F28？嗰位冇人訂嫁喎……🤷♀」
==================================================
Facebook: Sam哥飛機駕駛艙
Instagram: Samgorflight
由Airside「過河」到我所屬嘅NSC登機閘口，途中我不忘表現都市人嘅常態── 一路行一路玩手機📱。我一邊拖住喼，一邊一個高炒，往「唉瘋」上快門掣一按，搞掂，就同身邊嘅家人朋友「交貨」。屏幕上方突然彈出一段信息──「傻強: 網上瘋傳一張『伊斯蘭教徒疑遭真主附體人間消失』……」。呢個傻強真係傻嫁！每次我執勤都一定收到來自佢嘅長輩圖👨👩👧👦、以「亞洲十大靈異酒店」諸如此類為題嘅文章。我輕易地屈服喺標題黨之下，自然借呢個空檔睇下呢個老死嘅「傑作」，殊不知原來呢個先係怪事嘅開端……
入夜。飛機已經起飛咗一段時間，Captain做手勢暗示我先去休息，離開駕駛艙徑步走經EY嘅我，向客艙環顧張望，一眾Crew按部就班，賣bar嘅賣bar，做J嘅做J，正常過唔正常。突然F28嗰位巴基斯坦男人(下稱祈禱男)call 起light來💡，我示意響前廚房閒聊嘅其中一位Crew Teddy去睇一下發生咩事，然後就行到後廚房打算飲杯暖水。交涉咗一輪之後，祈禱男就由座位走到我身旁位置臉朝我方向跪低、鞠躬、叩頭🙇♂。
過咗一陣，大家姐突然出現響我同祈禱男之間，並向我搭起訕來🏃♀。
「Sam，你想食咩呀？我留多set meal俾你好冇？」
「隨便啦，同Cap果份唔同就得嫁啦。」Call燈又著💡，我借機使開大家姐以換取耳根清淨，「有Call燈。」
大家姐行開果一刻，恐怖嘅事就發生😨。祈禱男唔見咗，前後唔夠兩分鐘。我腦海突然閃過登機之前讀過果篇傻強嘅農場新聞。伊斯蘭教徒👳♂？人間消失🌫？唔L係掛？我並冇諗太多就爬上通往Crew Bunk嘅樓梯休息等Call😴，不作他想。
過咗好幾陣子，Cap打電話嚟要我stand by，我執好個頽Look之後就走出Crew Bunk，順便從Teddy同大家姐身上打聽一下釋除我剛才嘅疑雲☁。
「個中東佬？佢問我邊面向東，我是但指咗個方向俾佢囉。👉」
「F28？嗰位冇人訂嫁喎……🤷♀」
==================================================
Facebook: Sam哥飛機駕駛艙
Instagram: Samgorflight
請按此登錄後留言。未成為會員? 立即註冊