台灣係你solo trip 的起點

好多人想試solo trip 但又唔敢去試，我可以建議你先去台灣作為開始
點解？

1.近香港
未試過solo trip 會有好多諗法困住自己，其中一個可能係，唔想一個人去太遠，危險啊！（我真係聽人親講）
台灣好近香港，一個鐘飛機就到了。感覺上會消除咗第一個憂慮。
真人真事，我同朋友講一個人去台灣都會覺得ok，但其他遠嘅地方就會話
“嘩，去禁遠，小心d la"然而，近同遠與危險性，無直接關係。台灣都可以危險，睇到打風嗰陣就知了。

2.唔難溝通
台灣人講國語為主，香港個個都識三文兩語。就算你國語唔叻都唔緊要，只要生活簡單對答就得。
台灣人有部分識廣東話，旅遊區多數識英文。語言上無太大障礙。

3.配套好
台灣有好多為背包客的青年宿舍，好多都好靚又整潔，好過住旅館。
可以去agoda 呢類網站睇下先。

4.交通方便未試過solo trip 你可以一直都依賴人幫你揾交通，得自己一個會擔心唔識搭車。
台北交通都算方便，又捷運又台鐵，唔算太難理解。
真係覺得攪唔掂就只搭一種交通工具先，我建議捷運。
可以去到大部分主要旅遊點，可以運作到好夜。就算過咗站都可以即刻搭返轉頭。
公車係平，但你錯過咗一班要等。
台鐵唔係部部車去到同一個月台都去同一個地方。又未必站站停。
捷運似香港地鐵禁，不過複雜小小囉。理解咗一次都唔怕嫁啦。

5.台灣人好願意幫人
唔係話其他國家嘅人唔友善，但台灣人出名熱情又友善。
你有問題好多人會幫你，唔洗怕。
6.行程易計劃
好多人因為賴唔想plan ，所以情願跟朋友去都唔會自己去。放心，台灣真係好易plan。
你可以唔洗join tour，同其他夾租車，都可以去到大部景點。
可以先試一次只需要捷運就可以完成的旅程先。
你試多幾次就會自己揾方法去d難去的景點嫁啦

7.台北真係好安全
除咗天災，台北真係好安全，又可以用廣東話又可以用英文溝通。

快d 去計劃下啦，仲等！