台中solo trip 第二日

第二日
繼續肚痛的日子。我一起身就去咗搭公車到綠園道的誠品店。不過我太早去了。。。九點幾無嘢睇，又未開門，唯有等下啦。。。。

十點幾終於都有嘢睇啦，誠品外有唔少小店擺當，有賣飾物，賣嘢食，畫畫，音樂表演等等，係誠品外都行咗成個鐘。之後入咗誠品，真係唔只賣書禁簡單了，有嘢食，酒，手信，小手作，電子器材等，超級巿場一樣。好強啊！

之後見時間都只係十二點幾，原本諗住去彩虹眷村，但又好似太早，揾下地圖原來附近有動漫彩繪巷，就搭公車去睇睇。一落車都仲要行幾分鐘先到。到咗彩繪巷，好熟識的動漫人物出哂嚟，首先有多啦A夢啦，龍珠，仲有我最愛的hunter x hunter，黑子的籃球，再入面有蠟筆小生，新世紀褔音戰士等等。宅男至愛😍 不過都有唔少情侶係到影相，之後我就出發去彩虹眷村了。

返去台中車站搭車去彩虹眷村都係唔洗一個鐘的車程。呢個景點真係太熱門了，好多人，不過係好多影相位，有情侶係度影，又有一大班朋友係度影。裡面有小店但我睇唔到賣乜了，因為人太多啦。係差唔多走嘅時候見到部海賊王的士！！

返到去台中火車站都只係六點幾，仲係好早，不斷係度揾有乜嘢景點係可以好快去。之後上公車去咗六道藝術文化館。一個好細嘅景點，係比人品茶的地方。好靜啊！～～

返到繼光街，腸胃炎都要食嘢，去咗食拉麵之後就結束呢一日啦

支持下啦
Instagram www.instagram.com/timson_travel_notes