宿霧--一個令人又愛又驚的地方(上--出發編)

小伙子的遊記 於 16/05/2019 發表 收藏文章
小編第一次的文章,今次想帶大家到一個香港人認為的旅遊冷門地點--宿霧。
宿霧位處菲律賓中部,是首都馬尼拉也無法比擬的菲律賓歷史悠久之城。

是次行程源於作為窮學生,自然就上網搜尋一下一些平地方,而泰國又去過,又想玩水,揾搵下發現宿霧保和島(薄荷島)幾靚,於是把心一橫,買左張去宿霧既機票。

去宿霧大家可以乘搭宿霧太平洋航空或國泰亦有直飛航班,筆者選擇了國泰,一來價錢只貴宿霧太平洋三四百元,最重要是比較安心。
第一天:

當天乘搭早機前往宿霧,實際時間都忘記了,一入境到達二號航廈T2比我的感覺是新淨,感覺上是剛建成沒有很多年。一出大堂就會有很多招客的的士司機,我們先試下用Uber 同 Grap (一些東南亞主流叫車app), 結果網絡太廢,最後都上了的士(心諗菲律賓的士應該不會太貴),結果由機場到碼頭都不是太貴(忘了價錢haha但一定不貴,貴的話我會記得)。到達Pier 1 準備乘搭往保和島的船。等船既時候食左間超級平漢堡快餐店,幾蚊港幣一個包,但大家唔好期待係D咩隱世美食。
10分有4分,好肚餓食有6分

宿霧買船票其實好麻煩,有好多額外既錢要比,但其實識少少國際語言(手語)及英文都有人幫到你既,但大家真係去就要預鬆D時間去買票啦。

大概坐2個幾鐘船,就到達保和島,而我地住既地方叫Panglao island 係保和島下方一個小島,在碼頭出口,如無意外又係一堆的士司機,比較特別既係,佢地既的士係一部改裝電單車(菲律賓版既tuk tuk)。
大概廿蚊港幣,可議價
由於佢本身係一部電單車,改裝再加上負重之後,我都有D擔心引擎負荷唔黎,畢竟個引擎都已經慘叫緊,不過經過一個鐘左右坐得唔係咁舒服既車程之後,終於到我地位於Alona beach附近既Bohol Sea Resort。
其實間resort都係求其揀,當然最主要係平同埋近主要遊客區alona beach,當然唔好想像成5星級大酒店咁,除左熱水爐咁岩壞左之外,其實都唔錯,仲有個私人海灘,詳情大家自己Google啦。settle down之後,就去左alona beach 食少少野。
Alona beach係一個長沙灘旁邊開滿餐廳酒吧,同埋好多遊客,去到都係求其搵左間餐廳,食完就番去resort。鬼咩,又搭飛機又搭船又搭車,眼訓啦,下集再見!


如果大家鐘意既可以繼續留意我之後既文章!
筆者宿霧之旅是在 2018年7月,可能未能及時更新最新情況,敬請願諒。



留言


請按此登錄後留言。未成為會員? 立即註冊
    快捷鍵:←
    快捷鍵:→