日本人TOP 10 人氣本土旅遊景點 (上) 精選 推薦

日本人TOP 10 人氣本土旅遊景點 (上)

之前介紹完日本人出國旅遊人氣TOP10，咁如果唔出國，日本人又會係本土去邊度旅行呢？日本女生網站投出本土旅遊景點人氣TOP10，你地又會唔會去親身目睹下，認識真正既日本妹？(笑)

1. 北海道
首先，我地推薦秋季旅遊點“北海道”。 北海道冬天好寒冷，但係秋季果時好適合觀光。因為北海道會提早入秋，可以提早享受一下秋葉！
推薦景點 ▷ 藍之池　(地址: 北海道上川郡美瑛町白金)
北海道觀光既旅遊景點之一“藍之池”。單憑張相，會唔會懷疑藍色池塘係Ｐ圖？咁你就要親身目睹大自然的不自然啦！相信係度影相，想呃多多LIKES都無難度啦！
推薦美食點 ▷ Chikuso　(地址: 北海道札幌市中央区南三条西3都ビル1F)
北海道有好多美味既美食，如札幌拉麵同成吉思汗的湯碗，但我會推薦你食碗魚子丼。爆晒丼，隔住個MON都流口水啦！
2. 京都府
第二係京都，春夏秋冬都係咁受歡迎既地方，不過秋季既京都都係特別雅緻，尤其係秋葉期間，同好多遊客聚集一齊。租浴衣和和服，走遍城市都係京都女仔打卡聖地。
推薦景點 ▷ 永観堂　(地址: 京都府京都市左京区永観堂町48)
2017年，11月7日至12月6日永観堂。係呢段時間可以睇到既風景非常豪華。秋天，你可以感受到真正京都氣氛。
推薦美食點 ▷ 喫茶店　(地址: 京都府京都市下京区真町95)
日本喫茶店意思係CAFE，唔係泡茶既店黎架。唔知睇到七彩顏色飲品，打唔打動到你女孩心境呢？
3. 岐阜縣
到第三啦，岐阜縣近年黎成為非常受歡迎既旅遊目的地，因為呢度容易從東京地區東京進入。
推薦景點 ▷ 白川郷　(地址: 岐阜県大野郡白川村鳩谷517)
白川郷以冬天雪景而聞名，不過秋天都係無得輸。十月開始，大自然開始上色，十一月將會有最好視野。
推薦美食點 ▷ Mitsu Hachka屋　(地址: 岐阜県瑞穂市別府90-1)
各種顏色既小丸子並排得咁靚，打十次卡都唔忍心食。咁樣收買女仔心，仲邊有港女抵受到？
4. 伊勢志摩 / 三重県
之後到伊勢志摩區既三重県，即使有伊勢神社，仲有好多遊客到呢度，最近成為日本女孩人氣旅遊地方。
推薦景點 ▷ 志摩地中海村　(地址: 三重県志摩市浜島町迫子2619-1)
唔講仲以為係西班牙，其實日本女仔都係崇洋，係日本本土都揾到咁有外國氣氛，仲唔個個去打卡？
推薦美食點 ▷ Okage横丁　(地址: 三重県伊勢市 宇治中之切町５２)
呢個地址係當地既美食街，有好多特色地道美食包你食得飽！

睇完以上四個地方，邊度你有去過？如果一度都未，你仲敢唔敢同人講你去日本係返鄉下？其實日本咁大，香港人就唔好黎黎去去都係果幾個城市啦！跟實ToGother，因為長度關係，今次會分上中下三集介紹，一定有足夠時間比你做定功課出發。
資訊來源：https://retrip.jp/


原文網址

↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓


【關於 ToGother 】
ToGother 致力為旅者提供一個新的旅遊平台，選擇與不同旅者出發，體驗不同的旅行經歷！

▲前往 ToGother 網站，準備與不同旅者結伴出發！
▲ 【Facebook】 ▲【Instagram】 ▲【YouTube Channel】