〔日本大阪〕必試爐端燒 放題

露露的自由行 於 22/03/2020 發表 收藏文章
去到日本,點可以吾食海鮮。

但係點食先最抵? 梗係去搵放題

今次就介紹一個抵食既爐端燒放題

咩係爐端燒?
一間居酒屋中間有一個方形既爐,將d海鮮放係爐上面即燒即食。據說,係來自宮城宮城縣仙台市。就好似張圖一樣既格局。而最有趣既係,燒好就會用木板將食物直接送到你面前。

甘有咩食?
有海鮮,亦都有蔬菜,雞,豬,牛等等。

而露露最仲意食帶子同蝦,因為超級新鮮,而且好好食。
睇下帶子幾大粒。食落去啖啖肉,又juice 係香港好難搵到甘高質既野食。

你睇下,條蝦同露露隻手一樣甘長。真係一食難忘,再食吾想番香港

呢到係落左order就會即刻係你面前燒,燒完即刻食。食材又特別新鮮,點會吾好食。而且如果識日文既朋友可以直接同燒既師傅講你想食咩,佢就會即時幫你放係個爐到。如果吾識日文都吾緊要,因為會有英文餐牌,所以落order 都吾會有難度。

係呢到仲可以感受居酒屋既特色,絕對係地道而平民既角度感受日本飲食文化

地址: 大阪府大阪市北區芝田1-6-8


聯絡電話: 06-6373-2938 (+81-6-6373-2938)

費用: 如果四人或以上,可以訂位,而且可以選擇 2 小時放題任食。(大約港幣300 蚊就可以食到)
如果吾夠 4 個人可以考慮直接去等位,每一份食物都係 300yen (不論係食和牛定係大蝦都係一樣價錢)

下次大家都可以試下呢一間居酒屋,只係離梅田 2 分鐘路程,好近家。

如果喜歡我們的文章,請即分享到︰

標籤: 日本  自由行  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→