南生圍 - 帶你走進原始森林

露露的自由行 於 30/01/2021 發表 收藏文章
成日話香港係石屎森林,去行山可能未必個個都岩。想親近大自然之余又吾想甘辛苦。

行入去既路都係屬於平路。

南生圍會係一個吾錯既選擇。

南生圍位於元朗,可以係元朗市中心乘搭既巴士 74K 係紅毛橋落車。

踩單車郊遊

去到路口既時候,會見到呢間單車鋪。由於路程都比較遠。如果行既話,港女步速自問行平路都算快,都行左1小時30分鐘。

如果吾想行,可以選擇踩單車去代替。基本上呢到可以借到單車,有輔助轆既單車同埋家庭式既4 輪車,適合一家大細一齊去玩既活動。

沿路打卡

因為沿路行入去既時候都有好多位置係影吾到高樓大廈或者住宅。所以構圖會乾淨好多。

例如呢到, 蔚藍既天空,配上天線杆仲有馬路。構圖都好靚。

行路入去大約需要1 小時,條路都算長。不過睇住鬧市離自己越來越遠就會覺得有另一種寧靜。

但係南生圍都有好多居民,都要留意聲浪。吾好打擾到當地居民。
沿路入去都好多好有feel 既畫面,可以岩大家打卡。

呢到好岩一對情侶一齊黎影。或者可以成為另一個拍拖既好去處。

入到去南生圍,入面會有一塊好大既草地。而且好闊,所以好岩一家人黎野餐。就算好多人都好,都總係可以同隔離有1.5米既距離。所以都係一個吾錯既選擇。

濕地觀賞

其實南生圍係一個十分之有價值既濕地。所以會有好多候鳥同其他既小動物係呢到。例如彈塗魚。濕地公園就見得多,但係露露都係第一次同一時間見到甘多彈塗魚。係一個難得既機會可以接觸大然自。

去食豆腐花

個日去既時候,甘岩無開。所以只好繼續行。

係南生圍面都有好多士多。大家攰個陣都可以買D野食下。

注意事項

沿路都無咩蔭頂,所以如果夏天黎都會好辛苦。冬天黎既時候,都建議大家可以準備多少少先去。例如水。

一路行入去既時候,雖然冬天好涼快。 但係最好都帶支水同帶傘。 因為都比較曬。
而且好多人選擇揸車入去南生圍,所以都會好多車。大家行入去既小時都要小心。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→