粉嶺半日遊 - 白茅草原，壁畫村 精選 推薦

最近露露沉迷影相，不論係菲林相機定係數碼單反，都好仲意。一有時間就會自己出去影相。

而粉嶺就有一個十分出名既打卡熱點 - 白茅草原。

露露試過是但影，又試過調教角度影。真係好吾同。影完既效果同人講，其實去左台灣影都有人會信。

呢到之所以出名，係因為竟然有一大篇好靚既草原，上面全部都係白茅。

白茅同芒草同科，不過就吾同類。白茅相對小巧，而且白茅既頂部，摸上手，有少許綿花既感覺，十分柔軟。
近睇就會見到，其實有好多好似綿一樣既毛毛。摸上手，又舒服又滑。但係請大家去既時候，都要一齊保護呢一大片靜土。因為露露見到好多人都會去採白茅。然後影完相，又掉係地。白茅都係生命，要愛惜佢地啊。

如果係呢到影相，絕對可以影到一至兩小時。

露露影完之後，相同大家分享一下露露點樣影白茅既相。

1. 白茅

露露試過好幾次，影白茅，要逆光影，先可以影到白茅細緻既毛絨。另一方面，亦都要低炒少少。就會影到呢種效果。

2. 白茅田入面既文青
如果係中午影，影側面，兩邊都有白茅的話，構圖都會好靚。就算手殘都可以影到攝影師既效果。
如果影人物主題既話，首先要睇清楚光線係邊到黎。 順光影，人物面部光線充足，影出黎就自然。如
果人物背光，面部光線無甘充足。除非係日落時間影，如果吾係，都會建議順住光線影。

交通
由粉嶺火車站C出口，乘搭52K 小巴，九記士多落車
（到時上左車，可以開番個google map，見到地圖上面差吾多到九記士多，就可以同司機講落車）

落左車，一直沿車路行。沿途都會有少少指示牌，可以跟住呢一類指示去行。

大家可以參考呢一張地圖。沿住行就會到白茅草原。因為屬於村落，請各位拍攝既時候，吾好打擾居民。

係白茅草原影完之後，亦都可以去埋壁畫村影相。個到既畫，都畫得都十分可愛。
村入面都有好多呢一類既牌，都畫得十分用心。大家有時間，不妨去欣賞一下。

有興趣睇番露露其他既經歷，分享同介紹，可以訂閱同分享我既專欄。

https://travel.fanpiece.com/travelaroundwithyou/

多謝各位既閱讀。