雲南中伏記之兩日一夜大理團 - 搭郵輪遊洱海

露露的自由行 於 04/03/2020 發表 收藏文章
上一集講到我地跑到上氣吾接下氣,其實係比個導遊老點左跑上去大雄寶殿。希望一眾仙家睇在我地甘有誠意既份上會保佑我地。想知多d 就拑番去上一集雲南中伏記之 兩日一夜大理團 - 喪跑崇山寺

我地準時到達集合地點上車,跟住就黎到洱海。雖然叫海,但係其實只係一個係高原既湖。呢到好寧靜,蔚藍色既天空加深藍色既湖水。一張相就有吾同既藍。


我地呢個行程主要係搭郵輪遊洱海,然後去到大理風情島遊覽。再上番船再番去另一邊既岸上面。

講明呢個套伏,呢位極品導遊又點會甘簡單完左件事。

導遊首先講解:「呢隻船,分內外兩邊坐。外面既位置,係免費。但係屬於先到先得,所以無畫位。而裹面既位置會有吾同價格,最底既一層就150蚊一位。可以有免費熱水,有一個專屬位置。第二層,就係包廂,每一位200蚊,可以幾名朋友一齊租一個包廂。第三層是大型包廂,會有一些飲品免費。最重要是會有暖氣。因為外面的太陽比較大,風也比較大。所以自己考慮考慮。」

這時候,有一位團友,轉頭跟另一位她的朋友說話。導遊就好大聲說:「你們先不要說,你們聽吾到等一下會很嚴重。」
跟住佢再講:「上船之後,會有廣播。會說明下船遊覽大理風情島的時間,也會派一個荷包給你們。到時候收好,別掉了,掉了就上不了船。遊覽的時候也要留意時間,要不你們就自己游水回對面島或者自己留在島上做島主或者島主夫人。不要問我上船下船時間,我也不知道,問我也沒用。」


雖然一大堆收費,但係本住窮遊既宗旨,我都覺得其實無咩所謂。吹住海風,望住藍天,廣闊既洱海。呢一刻,係內心既寧靜係平日繁華既香港搵吾到。內心突然好滿足,好似覺得,其實甘辛苦番工,都係為左可以係香港搵到一間背山面海既樓。呢一刻,已經滿足。望住追逐郵輪既海鷗,覺得其實生活可以好簡單,日出而作,日入而息。夠溫飽就已足夠。

有興趣睇番其他露露係雲南既經歷,可以訂閱同分享我既專欄
https://travel.fanpiece.com/travelaroundwithyou/ 多謝各位既閱讀。

如果喜歡我們的文章,請即分享到︰

標籤: 雲南  洱海  

留言


請按此登錄後留言。未成為會員? 立即註冊
    快捷鍵:←
    快捷鍵:→