雲南中伏記之兩日一夜大理團 用黎影相既大理古城

露露的自由行 於 17/03/2020 發表 收藏文章
好啦~ 終於到尾聲就番香港。

上左架旅遊巴,就去大理打卡景點 - 大理古城。


我地係呢兩日一夜,因為要食圍餐,所以識左一齊坐既四個團友,包括兩個來自廣東講純正廣東話既姐姐。仲有兩個來自陜西既男仔。而其中一個叫直男係珠海做過野,識少少廣東話,所以成日都好留意我地講緊咩,想話學下廣東話甘禾。有時食飯笑個導遊,佢都會笑埋一份。

去既途中,我總係覺得架車好似行得好慢。正當我以為壞車既時候,導遊又好大聲甘話:「大家放心,車速減慢,一方面係想保障大家安全。另一方面係想講多些大理古城資料讓大家知道。」

蒼山之下既大理古城,有機會都想去蒼山行山。

唉,又要聽佢講野~

好啦佢講既不外乎係建築歷史,取景既電視劇。

最後佢講到食,呢個時候,我即刻留心過上堂professor 比考試tips。

導遊:「最好吃的一定是米線。只是十幾塊已而。可以自己在大理古城內自己選。另外就是烤乳扇,也是很好吃的。」

我望全紙巾:「完啦?甘者邊到食?」

紙巾話:「佢叫我地自己搵下禾。」

街上都有好多呢D指示牌,話比你聽點樣行去大理古城。

好啦,終於到落車既地方。個導遊指一指隔離有洗手間,如果需要可以去左先。

個導遊一路行就一路講:「我們這邊有好多東西可以買,例如山水畫,銀梳,玉石還有就是「渣男」。」

呢個時候,我忍吾住笑,望住紙巾問:「咩係渣男?」

紙巾話:「我都想知,我聽吾明。」

跟住個兩位姐姐岩岩係洗手間行出黎,見我地笑得甘開心就問咩事。我就照普通話讀一次。讀完,甘岩聽到個導遊講:「「渣男」有幾千年歷史。」我地幾個女仔就笑到天花亂墜。呢個時候,個兩個男仔就好奇甘望住我地。我一直都稔吾到係咩黎,靜係當一個笑話。

傳說中,只要行過呢到就可以家財萬貫,露露又無太大興趣。

行入大理古城之前,我望住個門口,終於覺得,有番少少歷史建築,係值得影下。但係發現,除左影相,就無咩特別。雖然個導遊講,當你係中午既時候登上望樓,再睇落去大理古城會見到好似閃閃發光既景象。但係,中午個陣,我地兩個掛住搵野食,都無上去睇景。其次係到我地想上去望樓個陣,我行左一個圈都搵吾到樓梯。


入到去又係同麗江古城一樣既失望。首先,到到都係賣銀,賣玉石,又或者係淘寶既產品。商業化既程度係令呢到變成另一條步行街。只不過又多幾座元帥府,或者係文武廟甘樣。

大理四季如春,吾會好似麗江甘凍,但係如果吾著番件大褸,一定會冷親。

其次係,我發現,我搵吾到米線食。呢個時候既我,都真係好餓。都吾知係我吾識路,定係呢到太大。都搵吾到小食醫肚。

呢個就係烤乳扇,望落似係印度既薄餅。食落好香奶味同甜甜地,有少少牛奶糖既味道,又有少少脆。

突然,紙巾拉住我,原來佢發現左烤乳扇。呢個係大理小食,其實係將D 奶整成一個餅狀,然後拎去燒。燒好再加一D秘製醬汁,都幾好食。

係真係幾特別既味道,至少好食過鮮花餅先啦。個人意見黎,口味呢樣野,個個都吾同。

呢個時係,我見到無幾遠,有一大塊紮染布。呢個時候,我就稔起,原來佢所講既渣男,其係係紮染。

有興趣睇番其他露露係雲南既經歷,可以訂閱同分享我既專欄
https://travel.fanpiece.com/travelaroundwithyou/ 多謝各位既閱讀。


如果喜歡我們的文章,請即分享到︰

標籤: 雲南  大理古城  烤脆扇  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→