香港自由行 - 隱世寺院 - 慈山寺

露露的自由行 於 30/06/2020 發表 收藏文章
香港吾大,但係大大小小既寺廟,一D都吾少。而講到特別,不得不提慈山寺。基本上,提到呢間寺,第一句都會話,「啊~我知啊,好大個觀音個間」又或者係「啊,誠哥起個間寺~」

有時候,就算大家既宗教觀念吾同,都可以互相尊重同欣賞。


誠哥由1980年成立基金會,而基金注入左佢本人資產既三分之一。慈山寺由買地、興建到日常開支,都係由基金會支付。根據資料,已經累計捐左三十億港元。
而慈山寺計劃花左十年先至完成。直到2015年4 月正式向公眾開放。

但係記得去之前,要book 左先啊 !!

首先拑入去登記來寺
網址: https://www.tszshan.org/home/new/zh-hk/visit.php


然後可以選擇係團體定係個人登記

跟住會有一個聲明,只要拑同意就可以去下一頁。
聲明大約都係講要遵守要求等等。

然後可以揀你同幾多位一齊去。如果你自己再加另一半,就係一位同行者啦~
每一位登記既時候最多可以帶5位一齊黎。

跟住就係揀參觀日子同埋時間
一般平日都會比較易book 位,不過因為有限人數既機制,所以吾會怕太多人。

而時間都係限定人數,所以都吾會怕同一個時段太多人。

最後就係提供個人資料
填番個人資料,記得電郵吾好打錯,如果吾係就收吾到email 啦。

之後就會收到一個參學登記既email。而email 入面會有參學編號、參學日期同進寺時間等等。到時只需要核對參學編號就可以入寺。

景點、活動

露露去完一次,以下係個人建議既參觀先後次序同相關活動。

參觀大雄寶殿(30分鐘)>參觀佛教藝術博物館(30分鐘)>向觀音進行貢水(15分鐘)>普門抄經(45分鐘)>到善生坊享用茶點(30分鐘)> 影相(30分鐘)> 乘搭4點30分的小巴離開

登記入寺時間可以逢星期一至五既1點30分。因為有一架20T 既小巴,由大埔火車站開去寺門口。而開出時間係1點15分,到達慈山寺時間岩岩好,吾會遲到。

而小巴站就係大埔火車站A出口對出地面既小巴總站。
但係20T只係星期一至五先有,如果星期六日去,就需要係路口行入去啦。

除左 20T係寺門口落,其餘既小巴都會係路口落車。
見到呢個牌就轉右。

轉右之後,就會見到呢條路。沿公里行到盡頭就會係慈山寺。行大約15分鐘。

見到大門,就知已經到左慈山寺。

係門口會有工作人員同你核對參學資料,先可以正式入去。

對好資料之後,每一位參學者都會有一個牌,要掛係身上。吾好吾見啊,要還家。

如果真係太暴露,可以同工作人員借呢D布去用。

入到去沿路會見到正門,因為露露知道吾能夠直接影佛像,所以係殿入面都無影相。如果睇,可以去book 參學時間啊~

呢到就係入左大門見到既慈山寺既山門。

沿住梯級上到去,會見到好靚既景色。
成個馬鞍山,一覽無遺。

露露對於中國傳統建築有一種執著。首先走廊下面有好多位置可以坐。其次係色調係暗色系,以僕素為主。感覺十分舒服。
圖中所見,慈山寺具有唐代建築特色。簡僕而沉實,係一種寧靜既感覺。

而慈山寺中心就係大雄寶殿。

行到甘上下,大約2點,就可以去參觀佛教藝術博物館。
而佛教藝術博物館就位於觀音像既下面。

供水

素白觀音聖像由青銅合金鑄造,高 76米(包括三層青銅蓮台),其造型參考宋式。

因為慈山寺以水代替香火,所以寺內特別設計左千處應。由普門兩邊取水,放係木碗入面。再行到千處應向觀音進行貢水。

有一位女士正正就係拎緊水去做供水,望住甘靚既景,再拎水去供,心入面又稔緊D咩。

從普門至觀音聖像,有一條筆直的大道名為慈悲道,兩側種植了18 棵古羅漢松。在慈悲道中間,觀音聖像正前方設有一個青銅制水盂,名「千處應」,為參學者供水之用。

呢個就係千處應。

記得,做人不能貪心。太貪心載甘多水,就會一地都係家啦。同時要一步步腳踏實地,慢慢行。行太快,太急躁就會瀉。

普門抄經

普門係一個講堂,入面可以聽經。每一個月亦都會有吾同既經文比參學者去抄。

露露第一次盤膝而坐甘抄經,一抄就抄左30分鐘。到後來都吾理坐姿,抄完就算。

慈山寺提供科學毛筆,所以好有係寫毛筆字既感覺。係一個好有趣既體驗,而同一時間,有幾位外國人都一齊抄,唉,我偷偷地望過去。人地手字仲靚過我。

善生坊享用茶點


善生坊每日2:30 至 4:30都會有茶點供應比參學者。而大家可以入去善生坊休息下。

影相

因為呢到既景色十分之靚,所以大家都可以用完茶點,慢慢行番去門口位置。途中影番幾張靚相留念。門口亦都會有工作人員指示各位排隊等車既位置。

留意既要點:

衣著
因為慈山寺屬於寺廟,建議各位都係著番長褲或者長裙。如果入寺前,工作人員發現各位衣著吾合規,有機會入吾到去家。


因為天氣太熱。而基於疫情關係,所以寺內關閉左飲水機。所以要自己帶水啦

降溫用品
例如扇或者冰巾等等。因為寺內並無冷氣,唯一有冷氣既地方應該係演講廳、洗手間個個位同博物館位置。所以寺內需要戴口罩參觀,都係一種考驗。如果有呢一類既用品,可以更舒服去參觀。

交通
要安排好時間,一般都會建議搭小巴去。如果搭巴士去,可能行得仲遠啊。

留言


請按此登錄後留言。未成為會員? 立即註冊
    快捷鍵:←
    快捷鍵:→