香港N度遊之大澳。好味道。靚景

露露的自由行 於 07/07/2020 發表 收藏文章
香港地方細細,但係有趣既地方都好多。大澳就係其中一個。成日都話,大澳係香港威尼斯。亦都係香港傳統水上文化既體現。所以去大澳除左食同影相仲可以了解下大澳文化。

香港而家只係得番大嶼山一帶仲會見到係船上面買賣既景像。可能香港南區都會有,但係甘平民,同生活化就真係得呢到先有。

今次露露就制訂左一個半日遊既行程,以食為主。可能你會話,又係掃街?當然吾係甘簡單啦。掃街就有好多吾同既人都介紹過,今次就話比大家聽,其實大澳都有好多隱世美食。可能聽過但係未必試過。

行程:
由東涌搭11 號大嶼山巴士到大澳> 到虎山觀景台影相、睇港珠澳大橋> 到東方小袛園食午飯> 掃街


一班fd吾想甘早起身,所以約 11 點左右,係東涌地鐵點B出口等。

就好似圖入面既標記位置。大家可以係B出口等,甘就可以方便行過去。

然後行去可以東薈城對出既有蓋巴士站,行到最尾,(最接近昂坪 360個一行既巴士站,就會見到11號巴士)如果約11點,可以選擇乘搭11:15分既巴士。

可以參考大嶼山巴士公司既時間表,搵一個最岩自己既時間。

跟據當日既經驗,5分鐘都有一班車,所以吾洗怕等車好耐。

大約40-45分鐘既車程。就會黎到大澳巴士總站。大約 11:45 到達大澳。

呢到係大澳巴士站,所有大澳巴士都會係呢到上落客。

天氣雖然好熱,但係影相真係好靚。藍天白雲,加上海風,同漁村既獨有味道。黎呢到既人都真係吾少家。

到左大澳就會黎到第一站 - 虎山。

第一站: 虎山

落左車之後,可以往大澳市中心既方向行。其實大家沿路行入去都會有好多好傳統又有趣既景象,大家都不妨留意下。

入到大澳一定都會見到呢間位於路口既店鋪,主要賣魚蛋、墨魚。

路口都有一張大型既poster, 介紹大澳,亦都係大澳地圖。有興趣可以影低,再慢慢跟住佢去行。

旁邊亦都有呢一個小型大澳博物館,呢到可以更清楚了更大澳風情。

沿路都係木屋,景色都好吾錯。

呢條就係大澳既大橋。

之後過左大澳大橋之後,經過東亞同匯豐銀行向左轉入小路。

兩旁既鋪頭都有好多有趣既影相位、仲意打卡既你點可以錯過?

雖然你未必會買,但係影相都靚。
大澳最多呢一類既車仔檔,又懷舊又有人情味

左轉之後會見到左手邊係一間小學,右邊係大澳街市。

沿大路一直行,會分別見到大澳大會堂、大澳既衛生署醫務所、大澳消防局。

大澳消防局有種懷舊既老香港味道。最岩文青打卡。
大澳大會堂,係一種麻雀雖小五臟俱全,相信如果中秋節,係呢到賞月一定好靚。

沿路一直行到尾,就會見到右手邊會有條路轉入去。而且而家多左好多指示牌,所以一定吾怕迷路。

轉右之後,就會見到少林。

呢個少林全名應該叫香港少林武術文化中心。2004年8月,文促會獲特區政府撥地在原大澳公立學校,及大澳理民府,和魚統署舊址改建,興建香港少林武術文化中心 (少林中心) ,並獲香港賽馬會慈善信託基金資助建築費完成第一期工程,於2006年7月正式落成啟用並試營運,為市民大眾提供優良正規的武術文化課程和各項日營、宿營活動。中心具備理想的休憩潛修環境,並以弘揚武德、培訓紀律、推介各種傳統優秀文化為宗旨,鼓勵港人修練身心,強身健體,鍛煉自強自主、堅忍不拔的意志。

係少林旁邊會有一條小路,跟住一直行。

見到分岔路轉左。沿梯級一直上,就會到虎山觀景台。

虎山全部都係由呢一種紅色欄杆包圍住。

虎山上面可以見到港珠澳大橋同機場全景。

虎山雖然叫山,但係吾算難行。屬於短褲、波鞋行山都無問題既級數。

而由大澳巴士站,行入去虎山,大約需時20分鐘。

而遊覽,就可能因人而異。如果係中午,建議影完相,就可以離開。因為真係好熱。
虎山係一個難度低,而靚景既地方。可以望到機場,又可以望到港珠澳大橋既景觀。加上天朗氣清,照相真係吾錯。 唯一就係太曬,真係好熱。所以口罩都放埋左一邊。

行完一陣,都攰,係時候食飯。

去到餐廳大約1 點。

露露要介紹既係由細到大都好仲意食既東方小祗園。露露知道市區都有一間,但係味道十分吾同。所以都係山長水遠黎呢到食。

東方小祗園,係大澳市中心既對面。屬於南涌村個邊。

呢到要預時訂位同訂佢既名菜 ~ 鹽焗雞。
呢到吾訂無得食家。

不得不提既係,每一個有山行既地方。都總會同你講,山水豆腐好食。
呢到都吾例外,除左雞出名,仲有素鴨、紅燒豆腐同芋頭魚都係經典小菜。

呢個係素鴨,新鮮整起,再加上山水磨出黎既腐皮,點會吾好食。

班fd 最仲意紅燒豆腐,因為又滑又好食。

芋頭魚,又大份又好食。最重要係新鮮炸起,好好味。

呢到既味道,係香港市區,暫時搵吾到。

食完飯,大約2點半。如果仲有少少位食得落,可以掃下街,食下甜品。
係大澳既橫街,小行入面,都可以搵到好多吾同既風情。梗有一個位,可以慢慢影相。

呢一檔既茶果,十分好食。所以每一次去到都會買一個食。佢有咸有甜。

大澳既沙翁同炭燒雞蛋仔都好好食。大家不妨去尋找屬於你喜歡既味道啦。

甘樣就可以玩到4點到,大家又可以再各自番屋企食飯。今次就介紹住甘多先。

有興趣睇番露露其他既經歷,可以訂閱同分享我既專欄

https://travel.fanpiece.com/travelaroundwithyou/

多謝各位既閱讀。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→