雲南中伏記之兩日一夜大理團 - 入住鐵窗旅館 精選

我地遊完洱海，去左大理風情島。然後6 點都未夠就去左食一個晚餐。

食晚餐前，導遊已經講過： 「團餐，大家就吾好期望太多，食下就算。」

當我食完之後，我就覺得，我地廣東人好幸福。廣東菜講求食材新鮮，餸菜精緻。
廣東地處沿岸，河鮮豐富。而土地雖然吾夠內陸肥沃，但係四季分明，蔬果類別繁多。

係雲南多日，每一日食既都係雞肉，又係偏辣。而蔬菜選擇少。重點係餸菜做法單調。唉～我甘多日都係無食過海鮮，終於呢餐有魚啦，但係內陸魚，好多骨，我吾敢食。

餐飯最後只係食左飯。同埋呢個比較易入口既餸。

所以番到酒店就做即刻拎零食出黎食。講到呢間酒店，就一絕。
朝早都好D，夜晚真就好恐怖。

我由細到大，都真係去左吾少旅行，交流團，大大小小既酒店以至青年旅館都住過。我又真係未去過一間好係我今次住既酒店。我稔呢D就係我想要既經歷，始終年紀大就吾會經得起呢D既風浪。
首先，由佢個外形開始，間酒店暗暗沉沉，而且個大堂都好細，大細同我地香港大部中學班房一樣。部升降機亦都好迷你，如果拎埋個行李，都只可以容納四個成年人。感覺似係戲中既鬼酒店。

跟住，我地分到既係頭房，正正係升降機既隔離。通常，D酒店鬼故都話，頭房同尾房最恐怖。嗯～我稔頭房都好過尾房既，多人係門前經過，可能嘈少少者。

跟住一打開道門，間房好似有D 奇怪既味道由間房傳出黎。都無稔過要換房，住一晚者，都無所謂既。而且我同紙巾都成日去露營，呢到比係野外紮營既環境好好多，於是本住呢個宗旨，就萬物皆空。

但係望住D床單被鋪，我眼中只有「吾乾淨」呢三個字，因為我見到張被好黃。我認真覺得，呢一刻我寧願去露營，因為我有自己既睡袋，一定比呢到乾淨。

再望一望窗，竟然比我發現係鐵欄。我地係住鐵窗邊緣。唉，我真係吾會稔到甘樣，又一大伏，明明黎個陣，報團講明會係4 星酒店，呢到點睇都吾會係有星啦係咪啊。

不過都攰，好快訓著左。不過大約零晨5 點幾個陣，我同紙巾都比出面嘈醒。因為我地窗出面甘岩有一棵大樹。而外面既人係到斬樹，聲浪大到，就好似個電鑽係你訓教個陣鑽緊你間房道牆一樣。
酒店飯堂

好啦，我地終於得番一日就可以番香港。懷住開心既心情黎到酒店飯堂食早餐。我黎到個陣當堂嚇左一跳。首先，早餐無選擇，得蛋，同粥，仲有幾個包。其次係，呢到D碗筷都好似洗得吾乾淨。於是，我食左兩隻蛋，就無再食。
我都明我平日可以真係太揀飲擇食，又或者我地都係生活富裕，所以接受吾到呢一種呢旅遊。以後番大陸，去D甘內陸既地方，都係會跟香港旅行團，會比較有保障，甘貼地既經驗，一次就夠。

有興趣睇番其他露露係雲南既經歷，可以訂閱同分享我既專欄
https://travel.fanpiece.com/travelaroundwithyou/ 多謝各位既閱讀。