〔泰國曼谷自由行攻略〕 柯多哥市場買泰國小食同生果 精選 推薦

去泰國吾止行商場購物，其實可以好貼地甘去體驗泰國當地文化。進行一次以食物為主既泰國深度遊。

今次要介紹既係位於翟度翟對面既柯多哥市場。

只要搭MRT 去到 Kamphaeng Phet 站 3 號出口轉右就會見到柯多哥市集。



柯多哥其實就係泰國既街市，而事實上呢個街市好乾淨。比起香港既街市更乾淨。原因好簡單，因為無海鮮買，所以地下好乾淨。呢個街市主要賣蔬菜、泰國香料、泰國小食同生果。而街市都會有熟食中心。

今次要介紹三個吾可以錯過既食物。

芒果


香港既生果好多，但係又比吾上外國食到既味道。可能係因為最好既留係本土又或者運輸又令到生果既味道受到影響。遲終都係當地最好食。

所以每次去泰國，我都一定會去買芒果食。呢到買既芒果吾單止甜，而且仲好大個又好靚仔。隻隻都係皮光肉滑，仲好豐滿。同香港見到既真係差好遠。

一大箱芒果拎番香港

每次番香港之前，都會黎呢到買一箱芒果番香港食。佢包裝得好好，所以放入行李拎去寄倉都無問題，但係放入行李既芒果一定要偏生，如果熟既話，驚會變壞。不過有一樣野一定要提一提大家。

點解係香港食到既生果同係當地食既差甘遠。其實同天氣有關，正所謂不時不食，係有道理。有一次1 月既時候去泰國玩，又買左一箱未熟既芒果番黎。泰國既天氣就日日都甘熱家啦，但係香港既1 月可以好凍。點知D芒果係寒冷既1 月下，放左一個星期都未熟，仲要有爛既情況。所以，下次都係要睇天氣買生果番香港啦。

食得芒果就梗係要食埋芒果糯米飯啦，呢到既芒果糯米飯真係無得彈

泰國傳統糕點


對於十分喜愛甜食既我黎講，泰國既糕點別樹一格。外形多變，色彩斑蘭，甚是吸引。因為以前呢一類既糕點都係皇室食既或者係祭祀用既。所以都會比較精緻，而現今就現變成我地見到既樣。

係呢到，你會見到一間好得意既鋪頭，係自己起左一間好似溫室甘，入到去，你就會見到好多好靚既食物。


呢一種係我黎泰國必食。外面似係魚膠然後包住綠豆蓉。


雪凍左食，係炎下最吸引既小食。因為入口即溶，而且冰涼透心。大家有機會一定要試一試

如果稔吾到買咩手信，又吾想次次都甘悶，買一大堆差吾多既零食，不妨黎呢到行個圈，或者會搵到岩你既野。

泰國菜


其實呢到既熟食檔都有好好食既泰國菜，係真正既地當風味。

點解呢到，邊間最好食？

其實又無話邊間最好食既，大家都係想食又平又抵，平民餐，間間都OK。食物種類亦都好多。

而且都會有小炒鋪頭，大家可以去揀自己想食D咩。坐低慢慢食。


有興趣睇番其他露露既經歷同介紹，可以訂閱同分享我既專欄
https://travel.fanpiece.com/travelaroundwithyou/

多謝各位既閱讀。