香港人遊鯉魚門秘景影日落，探訪天后廟 精選 推薦

鯉魚門係一個相對比較遠既市區，但係個到有一個石礦場影相十分靚。


交通，大家可以係油塘地鐵站落車。鯉魚門石礦場位於三家村後面，所以由地鐵站A2出口
開始行，沿茶果嶺道往鯉魚門邨方向行大約十分鐘就會到。

鯉魚門係一個香港歷史發展既資料館。清初既時候，南明名將鄭成功被打敗後，其將領鄭健之子孫就以鯉魚門為據發展海盜勢力，後來亦為香港著名海盜張保仔勢力範圍。


而抗日戰爭中鯉魚門酒灣是香港保衛戰的防線之一。到後來國共內戰，鯉魚門亦住左不少南逃國民政府軍的難民。直到1960年代，鯉魚門發展成海鮮旅遊飲食區及工業區，於是成為香港知名既海鮮避風塘。


黎到鯉魚門 ，就會見到最當眼既牌坊。

圖片取自網絡，見到呢個牌坊，就係黎到鯉魚門。而呢到隔離就係鯉魚門熟食中心。不過睇左一陣，都係覺得番去觀塘多D選擇。最後都係無去到食海鮮。因為港女同朋友得兩個人，所以食吾多。都係等下次有機會成班朋友先黎食海鮮。

而沿指示牌，就可以黎到石礦場。


鯉魚門入面都有一個小社區。黎到呢到，有少少覺得自己去左長洲或者澳門。都幾得意家。

呢到有好多魚檔，如果一班人黎，可以係呢D魚檔到買海鮮再拎去酒家到整。風味十足。


呢到有好多手信既鋪頭，例如老婆餅，或者豬肉乾。真係好似去左長洲或者離島甘。自己突然變左一個遊客。呢種久違既感覺，真係既熟識，又陌生。


大家要留意，因為呢到好近民居。所以大家既聲浪要留意，吾好影響到其他居民。
黎到海邊，就會見到燈塔。有興趣，大家可以去影相。但係因為太多人，所以露露都會揀去石礦場個邊再影。
呢到要小心，因為呢個燈塔其實比人封左，做緊工程。所以行過去打卡，一定要小心。


而沿路行既時候，都會有好多好靚既油畫。
油畫主要係畫觀塘同油塘既地標，例如會有駱駝柒大廈。呢個位都好值得打卡。

黎到天后廟，大家都可以向天后娘娘上香。
見到天后廟就知，就知差吾多到石礦場啦。

繼續向前行，就會見到景色豁然開朗。黎到石礦場。

有幾個位影相都吾錯。

因為石礦場曾經比火燒過，所以有大部份既地方都有燒焦既痕跡。
所以只係搵到呢一部份仲有少少既芒草。

不過影既時候可以留意一下，D草會吾會太多，遮擋左主角既樣。露露就想後面都會有少少既景色，所以會影多少少後面既石壁。

另一面都有個少少既斜坡，影相既效果都吾錯。

而另一邊，就會有一個石牆，係呢到影都吾錯家。

不過呢到，就好曬。所以如果大家要黎呢到既時候。最好都係帶埋水同遮。

有興趣睇番露露其他既經歷，可以訂閱同分享我既專欄

https://travel.fanpiece.com/travelaroundwithyou/

多謝各位。