西九文化區 享受文青慢活下午

露露的自由行 於 29/04/2021 發表 收藏文章
其實香港真係好細,所以可以去既地方。都好似去曬甘樣。不過露露都係會去搵下有咩好玩。

露露最近就搵左西九龍文化區,一個與世隔絕又其實好近鬧市既地方。hea左一個下就。


睇住維港景色踩單車,四輪車

露露都有介紹過係南生圍踩單車,但係呢到踩絕對吾同。呢到一黎安全好多,二黎呢到路程會比較短。
平日要大型既單車比賽先可以睇住維港景色去踩。不過西九就可以滿足到大家。

呢到既路比較寛闊,所以吾需要擔心技術問題。
而且呢到既單車路線比南生圍短好多。中途亦都有好多休憩用地。隨時都可以停係一邊休息,吾洗怕阻到人或者會有好多車。避免危險既情況。適合細膽或者初學者去踩單車既好地方。

如果屋企一家大細黎,絕對係一個十分之理想既地方。

如果要租單車的話,係西九龍左西隧入口就會有。


影相打卡

呢到有好多地方影相都好靚。例如港島景色,天空,草地,每一個影出黎都係文青既效果。用黎打卡,或者記錄生活都非常合適。

呢到除左有一大片草地,仲有好多位置比人坐。

露露覺得要影得對腳長,就要少少視覺效果。首先model 要打側身坐。對腳亦都要一隻屈起少少,呢一隻打平。就會出到圖入面既效果。

呢張影既時候,因為攝影師係企直甘影,所以model 既比例吾會太突出。

但係到呢一張既時候,因為攝影師要彎腰。影埋石壆,所以model 身材比例上,會比第一張影得好。

城市中野餐

香港如果要野餐,都幾難。因為每一個地方都係人,而且又好多車。所以一般都只係郊野公園。但係西九文化區絕對可以提供一個又近又方便既地方去野餐。而且吾怕買少或者買漏。因為行15分鐘就係圓方,一定可以補給。

如果黎呢到享受下午既陽光既時候,你會有一𣊬間覺得自己吾係香港。

係西九入面都有好多餐廳。不過主要都係外賣比大家坐係出面食。好多家庭都會帶埋營幕黎用。不過都要提提大家,呢到係吾可以落釘。

近海既位置都好多人都會揀坐係呢到食野。

呢到雖然好多人,但係都吾算好迫。

如果喜歡釣魚,呢到都會係一個吾錯既地方。

講明文青,又點少得藝術既氣氛?呢到都係好多畫畫愛好者既天堂。有時睇人畫畫都好開心。

同毛孩一齊玩

呢到可以帶埋寵物一齊黎玩同野餐。但係大家要緊記保護環境,同好好照顧自己既小主子。

交通:

露露一般都係搭巴士係西隧口落車行過去。

如果吾想行亦都可以考慮搭小巴。只要係九龍站出口位置近西隧,就可以見到。

留言


請按此登錄後留言。未成為會員? 立即註冊
    快捷鍵:←
    快捷鍵:→