莫斯科踩單車【話咁易】

去過莫斯科既朋友，應該知道莫斯科既交通主要都係地鐵，的士同巴士。相信大家透過旅遊書介紹都知道，莫斯科地鐵站係非去不可。亦有人講過“係莫斯科未坐過地鐵，唔好同人講黎過莫斯科”。咁誇張？無它既，因為莫斯科既地鐵真係有佢既特色！

《古典得黎又有氣派既月台大堂》

《深不見底既“防空洞”》

係莫斯科選擇交通既時候，唔知大家有無諗過踩單車呢？試想想係莫斯科河畔一邊踩住單車一邊欣賞景色，係幾咁寫意！
《莫斯科河畔》

共享單車係俄羅斯已經攪得好有系統，對遊客而言，最怕既就係麻煩。係莫斯科租用共享單車，正正十分簡單！﹝除時簡單過香港租GOBEE BIKE﹞。 就算你唔係當地居民，都可以輕鬆咁做到。係咪心郁郁想試呢？咁你就要留意下以下既教學啦！《其中一個Bike Station》

首先，你要上一上佢個官方網址，登記番個Account 先！﹝唔洗驚，有英文版本既！﹞
https://velobike.ru/en/
《官網頁面》

登記左之後，佢會有個SMS 比你，裡面會有個Login Number 同 Password。記住，係尼一刻你只係開通左個Account，仲未啟動，所以未用得住。要啟動個Account，你要入錢落去先。你可以透過官網用信用咭入又得，或者可以去到當地每一個Bike Station既電腦入又得。當然，作為旅客既你，揀一個最平既Plan就得，無記錯係 1 day 150 盧布。
《1 Day 150盧布》

Account 啟動左之後，萬事俱備！咪住，仲有一樣野要講埋，就係記住Download番佢個官方Apps去部電話度先！咁你就可以知道所有既Bike Station係邊，同埋個個Bike Station仲有幾多部車剩。成個莫斯科大大話話都有差不多380個Bike Station！
《每個Bike Station既位置及狀況》
點樣租車？去片！ 《附字幕》

點樣還車？去片！ 《附字幕》

係咪好簡單呢！係莫斯科租用共享單車，頭30分鐘係免費既﹝理論上你可以每30分鐘到Bike Station 還一還車，再借過咁就可以成日唔駛錢，前提係你要夠恆心﹞。即使過左30分鐘，都唔會好貴，詳情可以留意下下面幅圖。
《頭30分鐘免費，之後一個鐘30盧布.........》
仲有一點要注意，還車方面記住要睇番個個bike station有無吉位先好去！最後，莫斯科既交通都算安全，當地司機都會好忍讓，每當有類似斑馬線既地方，都會先讓行人或單車先行。但無論如何，意外意外，意料之外，最緊要萬事小心，咁就玩得開心又放心！
《多麼的寫意！》