米芝琳遊西藏 EP 2.5 從尼泊爾出發到拉薩(陸路) 詳細版

米芝琳遊大世界 於 28/09/2017 發表 收藏文章
到西藏的旅程(30 AUG )從加德滿都 泰米爾區的通宵車開始, 渡過漫長的30+小時

早兩天 (28 AUG ) 到加都一號訂了隔天 30AUG的車 阿姨話 3AM 係行入加都一號小徑外間旅館等
(9月24 更新 朋友說加都一號已經倒閉,可以在 成都賓館 訂車)

我出發個日 天氣非常唔好 由晚上11點幾就開始就一直落大雨 加超強行雷閃電(本人超驚)
打雷打到入心臟,嚇到我完全無辦法訓著⋯⋯
然後其實內心一直好想佢取消班車因為好驚會死 (多手search 左有咩意外發生過⋯⋯ 自己嚇自己)
內心唯有一直祈禱 我都唔知可以做啲咩黎令自己冷靜啲
時間咁上下就出發去加都一號小徑外間旅館等,其實都一直落住雨 但細左好多
兩個同行去尼泊爾嘅朋友 因為唔去西藏所以就送行同我道別


上車要出示收據同護照(建議行李要收整齊一點,因為有些站要檢查行李)
因為麵包車其實可以載 6個人,而我地架車得 3個人 所以佢就等下漏網之魚 睇下有無人要搭去吉隆
等到差唔多 4點都係無人就開車出發
而因為同乘的其中一個人沒有單據所以有一些小麻煩 (反白眼)
所以如果大家畀左錢就記得要拎返張單
1 證明自己畀左錢 2 等司機可以證明佢載左你走 問旅館收錢 (司機叮囑非常重要!!)
好幸運嘅係 開車個陣雨勢已經無乜
麵包車就浩浩盪盪咁向吉隆口岸出發喇~ (同行有三架麵包車 因為單據問題都比我地早出發)

基本上全程都非常 超級 極度顛簸
由凌晨 4點到 下午 2-3點一直都無停過 大概 10.5個鐘 比原來朋友講我知8個鐘多出 2.5個鐘 苦了寶寶
(如果你鍾意玩亡命超極速過山車 咁都係唔錯嘅經歷)
其中經過大大小小嘅警察檢查站 (其實唔知係咪咁叫 )要落車檢查護照 同行李
最後四次要全部 無 錯 係 全 部 都 要 拎 出 黎 檢查

而尼泊爾警察基本上都很友善
知道係香港人有比較寬鬆咁檢查 係咁易望下傾兩句就可以收返埋行李

差唔多到吉隆口岸個陣 司機會叫你拎護照到一幢樓上面辦出境(幢樓嘅外表超級簡單完全不像一個辦出境嘅地方)
但你入到去見到右邊有 Immgration嘅紅色字加箭咀 直上二樓就對了。
佢會幫你蓋印,記得一定要確保蓋印先離開
(聽司機講有中國人無蓋印就出境, 然後下次再去尼泊爾就唔可以入境 因為紀錄一直都在境內)

尼泊爾邊界出境檢查 最後一次行李
將行李全部野拎出黎檢查然後再將全部行李放返入喼
可能因為係最後關卡,所以有覺得比較嚴格(建議女生找男警員檢查)
每一樣行李都拎出黎問 What is this? How about this? ⋯⋯

然後過左一條橋之後你就到達中國吉隆口岸
行完唔夠 1分鐘嘅橋突然間 2小時 15分鐘的時差就沒有了(對 就是這麼突然)

入境中國吉隆關口
香港人只需要出示 回鄉證(港澳通行證) 就可以喇 好方便 (拍手)
然後再重複一次將行李全部野拎出黎檢查然後再將全部行李放返入喼嘅動作
恭喜你 你到中國境內 (撒花 超開心)

出關口門外直行就會見到兩架車等緊乘客
司機會主動問你去邊度 (OMG 我終於講普通話喇 講左成個星期英文)

一般係去吉隆縣城或者拉薩 (收費: 330人民幣)
因為要開車還幾長的時間 大概13-14 小時
所以我去左食少少野 因為其實由凌晨 3點到下午 3點咩都無食過

出關口門外 停車場的右邊就是一大堆餐廳和小超市
我叫左一碗餃子 他一來 有大概 20隻餃子⋯⋯ 我嚇親 會唔會太多
最後吃剩 5-6個,實在太多了 而且餡料很足
這就是我到中國後的第一餐,哈哈 出乎意料的好吃。

下午 5點左右司機就召集大家到車上 然後開車 (FYI 車上有兩個藏民,八個大陸人加我一個香港人)
大概 8點左右到達了吉隆縣城 換了另一個藏族司機開車到拉薩去。

沿路繼續大大小小的檢查站,
幸好我地只遇到一個檢查站的公安要求我地將所有行李全部拿出來 就是定日縣公安邊防檢查站
這次的檢查是全部檢查最嚴格的
要把衣服都一一攤開 每一樣行李都要拿出來,有少少懷疑都會問好多野 幾錢呀 邊度買 買黎做咩之類
將行李收好就可以向終點出發了 (感動感動)

最後在羅布林卡跟最關照我的哥哥姐姐分別 其實我唔知自己係邊
到左就畀錢司機 (大陸一般會用WECHAT 付錢 但我係畀現金 )
同埋好多人會沿路落車 日喀則縣好多人會落 千祈唔好跟人落車
本身打算搭的士去旅館 點知司機話車埋我去 Wooo lucky girl
想順帶一提沿路阿姨叔叔哥哥姐經都好照顧我其實 因為我無電話卡 佢地一直share WI-FI畀我 等我才可以跟家人報平安 (超感動)

經過30+個鐘 我 到 達 拉 薩 喇

基本上第 一日無做過任何事情 返到旅館食完野就休息了
見到一早併左團嘅Sisi 然後一直講廣東話嘅感覺好好(我要喊喇 終於可以全部都講廣東話)
仲拜託左佢幫我買左韓國辣雞麵幫我治一下HOMESICK
所以到埗馬上吃了
嗯是家的味道 <3 太開心了

因為一般建議到西藏頭兩天都不可以洗澡
所以我只顧補眠 因為太太太太太累了
累到 直接訓到 9月2 下午 2點幾好爽


講住咁多先 待續

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→