[香港一日本地團攻略] 各區連離島最熱門活動指南

Yacht Blog 於 10/08/2019 發表 收藏文章
週末難得放假緊係要去玩輕鬆下啦, 但平時放假除咗行商場, 食下野仲有咩好做?

其實就算留係香港都有好多又正又好玩既一日本地團比你揀架! 想輕輕鬆鬆hea返個夜晚可以夜遊維港, 想感受一下香港既生態環境又可以去西貢地質公園一日遊, 再唔係想了解一下香港既歷史文化又可以試下南丫島漁民體驗者鯉魚門既尋找老香港一日遊, 真係應有盡有架!
但係有咁多個唔同既一日本地團, 唔想逐個逐個搵佢地既預約資料同詳情? 唔洗驚, 小編就為你地度身訂造咗個香港一日本地團懶人包, 有啱一家大細既, 都有啱情侶閨蜜既! 包你一分鐘就搵到你既心水一日遊, 過返個與眾不同既週末!

唔想跟團, 想自己出去離島或其他地區玩返日? 可以參考下小編既南丫島一日遊路線推介!
唔想去到南丫島咁遠? 可以睇下觀塘有咩係必食必玩必做!
除咗觀塘之外, 香港仔都有好多野食野玩架! 即睇鴨脷洲必食必玩必住推介
再唔係鯉魚門都一樣有多觀光景點係值得去架! 即睇鯉魚門5大玩樂觀光精選
精選6大必去香港本地一日遊
小編深知大家對本地團既要求各有不同, 而且未必個個都想做一樣既野, 所以就精心為咁多位揀咗6個必試必去一日遊! 咁大家就唔洗左搵右搵至啱你既一日團, 可以輕輕鬆鬆去玩返個週末啦! 以下排名不分先後, 大家可以因應自己既需求而決定參加邊一個一日遊!
1. 南丫島漁民體驗
當大家提到係香港渡假既時候, 相信唔少香港人都會自動聯想到去離島, 好似南丫島長洲咁, 過返個週末! 但係南丫島黎黎去去都係去下沙灘, 住下渡假屋咁, 去多一兩次都悶啦! 有無諗過去體驗一下南丫島原住民/漁民既生活? 尼啲體驗真係唔係到到都搵到架, 所以真係好值得去玩一次! 按此查看活動詳情
尼個南丫島漁民體驗團會首先帶你穿越鴨脷洲大街香港仔避風塘, 令大家更了解漁民同香港仔既起源, 認識唔同漁船既種類同運作! 仲會實地考察位於南丫島索罟灣全港唯一優質圓形深海養魚圈, 咁大家就可以近距離了解漁排日常運作同附近海域既海洋生態; 親身體驗俗稱「包魚」既捕魚方法!
唔止咁, 尼個一日遊仲包埋品嚐漁民傳統盛宴 – 九大碗, 真係十分值得一試架。如果想知更多關於南丫島漁民體驗, 可以按此查詢票務詳情
2. 尋找漁民樂 • 認識老香港一日遊
如果南丫島太遠, 但又想搵啲同啱啱既團差唔多既團既話, 尼個鯉魚門漁民樂團就啱曬你啦! 尋找漁民樂 • 認識老香港一日遊相比起南丫島漁民體驗仲多咗一份歷史氣息, 因為除咗認識漁民既歷史之外, 仲會帶團友發掘一下鯉魚門, 西灣河背後既歷史! 按此查看活動詳情
去得玩, 又點少得食好野呢? 而且去得鯉魚門尼個海鮮聖地, 緊係要試下佢地最出名既海鮮啦! 而尼個尋找漁民樂 • 認識老香港一日遊仲貼心包埋鯉魚門海鮮餐, 真係超方便超抵玩架! 如果想知更多, 可以按此查詢票務詳情
另外如果想知鯉魚門除咗尼個團之外仲有咩做, 可以睇返小編鯉魚門5大玩樂觀光精選!
3. 東龍島鯉魚門海鮮套票
如果啱啱個兩個團都唔係好啱你心水, 因為你係想食好野為主, 唔係咁想觀光既話, 尼個海鮮團就啱曬你啦! 相比起啱啱既一日遊, 尼個海鮮團既自由度更高, 而且仲有多個上落船時間比你揀, 真係超方便架! 而且沿岸都可以欣賞東龍島既景色, 真係好唔錯架! 按此查看活動詳情
講到明係海鮮團, 又點可以唔講下海鮮餐係包咩食呢? 尼個團既海鮮餐真係超豐富架, 其中包括芝士焗龍蝦, 蒜香牛油焗生蝦, 同避風塘炒靚蟹等等, 真係諗到都流曬口水啊! 如果想知更多, 可以按此查詢票務詳情
如果啱啱講既都唔啱你口味, 可以參考小編既全港海鮮餐廳推薦!
4. 夏日夜釣墨魚散團
如果覺得齋食海鮮有啲悶, 不如試下自己釣上黎, 之後再即刻煮黎食啦! 而尼個夜釣墨魚散團就正正可以比大家咁樣做啦! 出海遊維港既同時, 又可以釣下墨魚, 睇下自己既實力同運氣有幾好, 真係一個唔錯既消遣活動黎架, 一大班friend一齊釣又得, 同屋企人, 小朋友釣都絕對無問題! 按此查看活動詳情
如果想知更多關於釣墨魚散團既資訊, 可以睇返小編之前既釣墨魚散團精選, 亦都可以按此查詢票務詳情!
5. 西貢火山岩園區海路一日遊
如果啱啱講個4個團都唔合你眼緣既話, 唔知西貢地質公園遊又啱唔啱你呢? 尼個團同頭先提到既4個團既性質有啲唔同, 因為佢係主要係想香港人更加了解香港既生態環境! 所以尼個團會帶大家了解破火山口位置六方柱岩的秘密, 同時認識一下西貢糧船灣天后典故 ! 按此查看活動詳情
所以如果想了解海岸侵蝕地貌進程既話, 尼個團會係你既不二之選! 如果想知更多, 可以按此查詢票務詳情

6. 夜遊維港+幻彩詠香江
如果以上提到既都唔係好啱你心水, 你只係想chill chill地咁過個週末既話, 尼個夜遊維港團就啱曬你啦! 維多利亞港身為香港聞名既地標, 又點可以唔去睇下呢?
而且飲住杯酒, 睇住維港咁靚既景色真係一大享受黎架! 按此查看活動詳情
如果想知更多關於夜遊維港既資訊, 可以睇返小編之前既夜遊維港精選, 亦都可以按此查詢票務詳情!
睇到尼到係咪心郁郁好想今個週末去玩呢? 雖然尼啲團的確係好吸引, 又唔洗揍夠人就可以出海去玩, 但係散團既自由度始終都無咁高, 而且好多都只係週末同公眾假期先開, 仲未計有啲要夠特定人數先開得成一團呢? 所以如果唔想以上既情況發生既話, 可以考慮下同朋友, 屋企人包船出海!
因為就算唔join以上講既團, 包船一樣可以自訂路線, 咁就一樣可以去返以上所講既地點架! 按此了解更多
仲諗緊今個週末有咩做? 心動不如行動, 即刻上網預訂屋企人, 仲有朋友一齊去玩啦!
如果想知更多關於包船或者散團既資訊, 可以參考我地網站! 按此了解更多

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→