起飛降落前空姐MUST CHECK LIST! 你準備好未? 精選 推薦

唔知大家搭飛機時有無留意，係起飛降落前空姐都會係機艙巡一圈
其實主要係要準備好機艙同乘客可以安全起飛降落
因為飛機起飛降落時係其中一個重要時刻，好多意外係呢段期間發生
但你有無發現其實空姐係係度CHECK緊D咩呢?
如果大家係搭飛機時有留心睇安全示範短片相信都會略知一二
但我明白，雖然安全示範短片係幾咁重要，需要專心睇都好
乘客都係以你有你播片，我有我忙碌既態度，好少會認真睇但如果想安全順利咁起飛，大家就要留意以下既空姐MUST CHECK LIST!

1. 安全帶扣上
安全帶好重要，尤其是起飛降落期間，因為飛機上升下降時機艙不平穩同顛簸，有時會遇上不穩定氣流，扣上安全帶可以確保你唔會成個人飛上天花板，所以安全帶係起飛降落時係首要CHECK既。

2. 枱面收好
收好枱面既原因係為免係逃生時阻擋乘客疏散，大家都知道枱面放左落黎好難係位度走出走廊，所以起飛降落時就唔好用枱面住啦!

3. 椅背要拉直
同枱面要收好既原因一樣都係唔想阻礙到乘客逃生。萬一遇上有意外要疏散時，都能確保前後乘客唔會俾挨後左既椅背阻擋到。
4. 隨身物品放到前面座椅下/行李櫃
將隨身物品例如手袋放到行李櫃或前面座椅下唔係腳下。一，係想乘客係遇上要疏散時可以不受阻擋，因為逃生時乘客係唔可以帶隨身物品；二，係因為救生衣係每個座椅底下，如果隨身物品放腳下會阻礙乘客係逃生時攞救身衣。

5. 打開遮陽板
呢樣係好多人都唔知道原因既，其實咁做係因為若果飛機失事，乘客可以見到機身中間同後方，尤其是飛機引擎，了解外面環境同危險情況。通過乘客既眼睛，空中服務員，特別係機長都可以清楚飛機狀況，係意外時作出適當既逃生決定。

以上所有都係想保障各位乘客既安全
係飛機遇上意外時各乘客都能順利保命同逃生而且呢一切都需要所有乘客合作
如果有不遵從指示既乘客，機長同空中服務員有權拒載
所以大家想安全順利起飛的話都係乖乖守規矩啦!

更多小菲菲空姐既日常，請Like FB: 小菲菲空姐日記
歡迎合作邀約，EMAIL: fionchan2003@gmail.com