【儂吃啥】沪上粵滋味

香港人在上海 於 06/06/2017 發表 收藏文章
上海咁大,華洋雜處,想食乜,有錢通常都可以食得到。但好似我呢啲旅居上海嘅香港人,想好好食番餐粵菜真係唔係咁易。你話唔係吓,上海通街茶餐廳,酒樓,點會無廣東嚟你吃啊!係!茶餐廳一地都係,但真係好吃嘅真心唔多啊,宜家其實都有好多香港嚟上海開餐廳,但競爭激烈,留得落嚟又真係好食嘅又少之又少,而且仲要抵食嘅,當然會係嚴選推介。

今次會介紹幾間抵食有優惠嘅餐廳俾大家出差時慢慢享受:

惠食佳

呢間嚟話係米芝蓮推介,我又真係唔太知佢究竟有用推介。介紹呢間嘢係因為佢幾抵,因為午茶點心半價。死未,無加一仲半價。點心十蚊起。佢哋嘅點心仲係有「古早味」果種。


我第一次去都唔知有茶單係乜,乜鬼都叫燒賣。我心諗,下,蝦醬魷魚都係燒賣?之後先知,其實就係蝦醬魷魚,點解要加個燒賣,我GOOGLE過都無答案,有人知都話聲我知啊!


唔好睇佢點心半價只係得啲平嘢差嘢,例如一個半價後十蚊嘅芥蘭,去葉只食莖,仲去埋厚皮,加蝦子,當然啲蝦子唔係乜嘢上等貨,但係十蚊食到碟咁嘅嘢。絕對係一個抵字。


又例如一個腊味盅頭食都係十蚊,一碗艇仔粥,又都係十蚊。一嚿水就真係2個人都食到暈左。但小心最貴係茶位,9蚊一個人,但啲茶又算OK啦。最抵死嘅係,有免費停車3小時。呢啲服務係上海又邊度搵度啊!絕對強推!


仲有邊幾間介紹,睇下集啦!

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→