【食在汕頭】可能係世上最好最抵食嘅滷水鵝

香港人在上海 於 11/11/2015 發表 收藏文章
汕頭雖遠,仍然好多本地旅行團熱門嘅旅遊熱點。汕頭位於廣東同福建嘅交界,佢地嘅飲食習慣有別於廣州附近地區,比較接近廈門嘅福建風格。但基於地理嘅關係,潮汕地區卻能建立出自己獨有嘅美食和烹調方法,多數利用手邊非凡嘅食材,製作一些可長期存放嘅美味食物,如凍魚、鹹菜、滷水等。

澄海滷水鵝是眾多潮汕餸當中算係出類拔萃,無出其右;其中主要嘅原因係選用左當地最出名嘅獅頭鵝。呢種鵝比黑棕鵝大隻好多,普通嘅都有5至6公斤重,係鵝中的巨無覇,當然肉多,味濃,而纖維細,佢嘅一隻鵝翼已經係普通嘅三四倍多,啖啖肉。澄海當地好多食滷水鵝嘅地方,有貴有平,有街邊大排檔,都有上樓嘅。小弟試過五六間後,講你知,我介紹呢間未必坐得好舒服,但係啲嘢食保證一流,連我潮州阿媽平時非常注意健康飲食,試過之後都話,以後再食唔到點算啊!


呢間嘢叫汕特日日香,有幾間分店,我一定去總店食,係旅遊團熱門酒店,花園酒店旁邊。係間路邊大排檔,一到食飯時候就有好多名車停哂舖門口,從五點開始忙到啲鵝賣哂。


必點一:鵝腸

點解唔係滷水鵝?因為鵝腸你唔打電話訂,你根本唔會吃到!小弟有幸試過兩次,啲腸加啲肥膏,啱啱好!唔多有太多腥騒味,煮又煮得剛剛好。我阿媽忍左十年嘅誡,就係破係呢碟鵝腸手上,食完仲要話第二日晏晝果餐一定要再食。唔好叫外賣打包之類,一定要即上即食,先食到果種鮮味,而且係唔會忘記到!


必點二:滷豆腐

又係一味拼人品嘅菜,與其講佢係豆腐,其實似豆泡多啲,而且仲係好鬼大舊的豆泡。唔係軟淋淋果種,好有咬口。


必點三:滷水鵝

通常會點下庒,都已經好鬼大份。唔夠可以試埋個胸,好夠味。整體偏肥,唔鍾意嘅話,自己同斬料個師傅講。最過癮嘅係啲伙記會問你要幾碗飯,同放低幾碗好似豉油嘅物體。小弟第一次嚟果時唔識嘢,話唔要啦,要食餸麻。呢碗汁其實就係精華所在——鵝汁。撈飯係你會食唔停口,最後一家四口好似食左十碗。

咁鵝掌鵝翼唔正嗎?打包返酒店再嘆過啦!

如果喜歡我們的文章,請即分享到︰

標籤: 食在潮汕  小店  滷水鵝  

留言


請按此登錄後留言。未成為會員? 立即註冊
    快捷鍵:←
    快捷鍵:→