[首爾景點] 穿越時空第一擊 化身15分鐘尚宮娘娘 仁寺洞韓服體驗 精選 推薦

之前寫過一篇關於首爾可以試穿韓服的「穿越300年 4大試穿傳統韓服景點推介」，個時最後一個介紹係仁寺洞宣傳館，寫的時候我都未去過，只係見網上有人去過好似唔錯，然後今次終於去左啦！


地鐵安國站6號出口，行幾步到仁寺洞主街，行段中段會見到算係地標的商場Ssamziegil，佢對面有條小路行入去就會見到韓屋建築的仁寺洞宣傳館，就係試韓服的地方啦！


大概2點幾入到去都幾多人，所以要登記左先，大約45分鐘之後先可以影。每人3000 won，即係港幣21蚊，可以影15-20分鐘。出去行下再返黎，就可以揀韓服啦。男女各大約有15套唔同款可以揀，有分size，好多都幾靚架！！仲有頭飾、帽、道具同鞋可以用。職員會幫你手著，其實唔複雜，唔係好多層，得兩件。




登登登登，霸氣尚宮娘娘出現。（哪裡霸氣了？）我揀呢套比較似尚宮娘娘著的韓服，其他有d好似奴婢的！！我才不要，哈哈。提提少女們，個頭唔會有人幫你set，我自己紮左條馬尾，因為總覺得要紮起頭髮先有古典效果，韓劇裡的娘娘都不是披頭散髮的麻！（姐好認真）

這是我弟，不方便出鏡，只是給大家看看男生裝扮。大人～～（但加了笑哈哈好像太滑稽......）


換好衫就是自由影相時間。室內就有呢個佈景，有點假，求其影下算了。室內還有頭先那個古畫屏風。




然後室外就是傳統韓屋的背景，這是重點！一定要出去影啊，因為呢個背景會比較襯返套韓服，所以就瘋狂影。係唔係好古典先？嘿嘿嘿。點解隻手成日甘樣擺？因為韓劇既娘娘都是這樣的......






古人都可以自拍......


影15分鐘其實是岩岩好的，職員會話你知夠鐘架啦。除左試穿韓服，仁寺洞宣傳館仲會提供旅遊資詢服務，職員都好nice的。有興趣感受做尚宮娘娘的氣勢就要來啦！

地址：首爾鐘路區堅志洞85-18（安國站6號出口行15分鐘）
試穿時間:早上10點至下午5點半（中午12點至1點是午飯時間，不開放）

是次韓國之旅由Wi-fly 提供上網贊助。