空姐都幫唔到你系列(一): 飛機餐選擇太少? 精選 推薦

其實大家係飛機上有咩飛機餐揀
公司一早已經編定而且每幾個月先會更改一次
以我公司為例
短途航班例如日本、泰國、韓國等會有兩個餐點選擇
長途航班例如歐洲、美國、加拿大等會有三個選擇
另外不同機艙等級餐點選擇會不同
普通乘客只能在特定既菜單上選擇飛機餐
當然有特別需要既乘客可以預先訂特別餐
我公司既特別餐種類好多例如：糖尿病飲食餐、低卡路里餐、印度素食餐等
但有時乘客都會嫌棄餐點選擇太少或者無岩佢地胃口既餐點

試過有次飛短途機派早餐
其實都不外乎係西式既炒蛋配香腸或者中式既粥兩個選擇
但有一對情侶聽完餐點選擇後
女既一臉嫌棄既樣，男既除了嫌棄樣外再問多句
「You only have these two choices?」
我當然答「Yes!」啦
我變唔到第三個選擇架，一係你話你唔食早餐既啫
男既就即刻擰晒頭咁講左句「It's too bad!」我果刻心諗，就算係too bad我都無辦法架
我只能再問多次「So what is your choice?」
佢地兩個先遲緩地揀左個早餐

其實呢度係飛機，飛機資源真係好有限!
唔係你想食咩都有，況且飛機餐選擇公司亦一早定左
空姐只係根據你既選擇派餐
乘客可以係兩至三個餐點中選擇，或者選擇唔食
假如乘客覺得餐點選擇未能滿足你既要求
應該向航空公司反映，而唔係向空姐反映
如果對食物係有要求既話，乘客絕對可以自備食物，咁就實岩你口味啦！
其實我一向都十分建議乘客自己買野食上機食,或者食飽飽先上飛機都得, 一定好食又健康過果份又細份又唔知好唔好食又多防腐劑既飛機餐啦!

更多小菲菲空姐既日常，請Like FB: 小菲菲空姐日記
歡迎合作邀約