樂兒忘返之遊大阪USJ篇(第三次真「遊」USJ記)

樂兒忘返 於 01/03/2020 發表 收藏文章

Hello,大家好😁😁又返到嚟樂兒忘返嘅時間喇。今次我終於可以講完呢一個Topic 喇,大家都一齊加油睇埋落去😝😝
點解會話係真「遊」USJ呢?因為同上2次相比,今次我真係最主要係入去玩「遊」戲設施😂😂,不過今次真係旺季,仲旺過萬聖節去🤪🤪詳情請記得緊貼小編今次嘅遊記喇😏😏

2019年12月29日 屬於聖誕節及誇年時段(特旺季)
人物:小編&男友🐷


男友曾經有提及過買Express pass,因為主要係想玩遊戲為主。於是小編上網自己努力做資料搜集,最後得到嘅結果係買Express pass嘅價錢仲貴過一張門票嘅價錢,大約係HKD1200左右🤨🤨~真係好貴🥴
結論淨係買門票,唔買Express pass

我哋預咗玩足一日,到12月29號當日,我哋結果係10:00am前到達USJ,而USJ將會在當日21:00關門

當日人流其實都頗多,不過我哋10:00am前入場,所以冇咁多人一齊迫入場☺☺(因為啲遊客同日本人一定好準時係08:00am前已經排隊入場)

今次小編亦都係用返第一次買門票嘅方法入場
*詳情請參閱第一次閨蜜遊記

………………………………………………………………………

入到樂園後,當然係即刻衝去The Wizarding World of Harry Potter(哈利波特世界)



哈利波特禁忌之旅乘車遊:

今次有啲唔同,由於今日入場係特旺季嘅關係,一早已經封咗進入哈利波特世界嘅入口,工作人員指導我哋去到*三藩市區中央公園用門票自助領取整理券(哈利波特魔法世界整理券)。過咗一陣終於都拎到了,我哋再次行到哈利波特世界排隊入場,經過超級艱辛嘅等候時間,我哋大約等足2小時35分鐘先上到遊戲設施😱😱真係如釋重負

玩後感:詳情請參閱第一次閨蜜遊記

------------------------------------------------------------------------------------------

侏羅紀公園:

由於剛才等得太耐嘅關係,其實已經肚餓,我哋就行到去新發現餐廳食個lunch😝
啲食物嘅質素都唔差,賣相亦都幾靚🤤

*遊戲設施一個都冇玩到,因為食飽之後冇理由玩飛天翼龍😂😂一陣嘔返之前食嘅野就大劑😂😂😂
*同埋個陣天氣好凍,我哋唔想玩侏羅紀公園乘船遊(因為玩完一定全身濕透🥶🥶🥶)

------------------------------------------------------------------------------------

三藩市區

Backdraft 烈火雄心

你哋唔好漏咗呢個遊戲吖,其實佢唔係好起眼,因為位於Minions 園區隔離嘅消防局入面。
本身小編都入咗嚟玩3次,頭個2次仲諗住佢好似 HK disney美國小鎮大街入面嘅消防局(唔係真消防局),淨係租BB車比啲Guest個種,點知內有乾坤🤪🤪入到去等咗30mins,就可以入場

玩後感:遊戲簡介:「近距離直擊大火災,你將手足無措」步行遊覽
分咗三個不同地方,演繹咗三個不同拍攝時造出來嘅火災效果。
• 第一個火災效果已經唔記得了。
• 第二個火災效果開始會feel到拍戲嘅時候真實嘅環境同感覺,同埋啲火真係好熱。
• 第三個火災效果認真會畀個場景同火災特技效果嚇親,因為會突然爆炸,大火。
呢個都幾推薦去睇下,因為做得好逼真👍👍👍

-------------------------------------------------------------------------------------

之後睇完就經過咗Minions 園區,我地都冇特別留係呢個地方,於是行到去New York園區


-------------------------------------------------------------------------------------
New York園區

蜘蛛俠乘車遊
都係玩返不可以缺少嘅遊戲設施🤪🤪🤪
大約等候時間為一小時

玩後感:*詳情請參閱第一次閨蜜遊記

-------------------------------------------------------------------------------------------

荷里活

HOLLYWOOD DREAM THE RIDE 荷里活夢幻過山車~逆轉世界

呢個遊戲,小編想玩好耐了,今次終於玩到😗😗其實係呢到排隊玩之前,你哋必須要諗好自己想玩《正面定係背面》方向。我哋當然要玩得刺激啲,諗都唔洗諗就行去背面方向嘅隊伍排隊😈😈😈我哋好似都等咗1.5小時

玩後感:上咗車之後,望落有小小似OP嘅動感快車,不過呢架車係有得踩住地下。有小小不同嘅地方係,上到車之後會係每個座位隨機播出音樂,指示牌上寫上7首不同嘅歌曲,小編撞正係大阪為主題嘅歌,其實真係唔知佢唱咩😂😂😂
玩嘅時候好緊張刺激,小編不斷係咁大叫同合上雙眼,反而隔離個位男友🐷就不斷係咁笑,係咁叫小編開眼😂😂點解咁痴線嫁😂Btw,呢個機動遊戲十分推薦👍👍👍

https://www.instagram.com/p/B_RG8kVjD0R/?igshid=1i3adc5g45e4i

史力加4D歷險記

*詳情請參閱第二次遊記



太空幻想列車

呢個等候時間要20分鐘,所以決定玩下呢個機動遊戲。

玩後感:呢個係4個人一架車,不過就2個同2個背對背坐,你會望到下一架車對住你嘅2個人。呢個坐上去有同HK disney Hyper Space Mountain好似,不過呢個有小小特別於自己嘅車卡可以獨立旋轉,同埋好玩小小。呢個遊戲都推薦大家去玩👍👍👍

------------------------------------------------------------------------------------------------

之後行返去New York園區影埋棵大大嘅聖誕樹,真係好靚好有氣氛🌲🎊🎄

最後我地係大街睇巡遊,小編淨係留意Minions 花車🤪🤪

最後大概20:45行完商店就離開USJ👍

第三次USJ「真」遊記完~

如果喜歡我們的文章,請即分享到︰

標籤: lokyi  travel  Osaka  USJ  Christmas  2019  December  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→