【🕋黑盒揭祕系列－馬航MH370號班機失蹤事件】 精選

馬航MH370號班機失蹤事件事發4⃣年，班機失聯各種揣測都有，連馬來西亞政府都唔排除飛機遭劫持嘅可能，係四年後嘅今日依然都搵唔返黑盒嘅情況下，馬航MH370號班機事件呢件被形容為「航空史上最大謎團」最終都未得出答案。不過作為機師一分子，都想分享一下呢件「人為空難」嘅一啲個人見解。 👨‍🏫


▶點解我會稱呢件失蹤事件為「人為空難」呢？🧐首先，通常飛機失事呢，一係人為失誤，另一個係天然因素，第三個就係機師刻意造成失事。作為局外人，如此細分十分Make Sense。就人為失誤而言，其實航空史上亦都有過唔少因為人為失誤而發生空難嘅先例，就好似2005年☀太陽神航空522號班機空難咁，起飛前飛機工程師做完機艙加壓測試之後，唔記得將加壓裝置沒有調校至正確位置，間接咁令到機師缺氧，最後飛機失控墜毀。至於天然因素，話明係「人為空難」，所以先摒開天然因素唔講（對唔住，除咗外星人同有鳥隻飛入引擎導致停機起火之外，我實在講唔出有咩天然因素會造成今次空難）😔。

▶至於機師刻意造成失事，如果大家有留意呢件新聞，相信大家都會覺得馬航MH370號班機失蹤前嘅種種行徑都十分可疑。第一，MH370飛抵泰國灣上空之後並未有按航線經過越南上空，反而沿住馬來西亞同泰國邊境低飛仲飛越咗馬來半島──蓄意飛機轉向。第二，MH370機上兩個通訊系統📞分別關上淨係隔咗14分鐘，而馬來西亞政府亦都證實，並唔係機件故障或者意外引起，飛機失聯係人為關閉機上嘅通訊系統所致──故意避開雷達偵察🌐。以上跡象都話俾我哋知，有較大機會係正副機師解除飛機自動駕駛同通訊系統，刻意隱藏飛機航向，機師同副機師作為班機嘅掌舵人自然就要對飛機偏離航線數百千米負全責，係排除網絡劫機（機艙電腦無法上網，自然唔可能被網絡劫機）同入侵機艙（自美國911事件之後只要任何人想進入駕駛艙，都要輸入密碼，而且艙門具有防彈功能，遇上劫機，正副機師可以通報空管人員輸入劫機代碼示意被劫機。）下，機艙內嘅機師其實係最有可能造成呢個四年前航空史上最大謎團嘅黑幕。😈
馬航MH370號嘅黑盒隨機體石沈大海💨，人證物證無跡可尋之下，坊間亦都唔乏各種陰謀論，指美國/中國擊落班機、塔利班借MH370轉移軍事系統等等，當然真相有待另一個「斯諾登」嚟揭開，Sam哥我亦都不宜「踩過界」❌。時隔四年，筆者希望各位罹難者安息。🙏
-----------------------
Facebook: Sam哥飛機駕駛艙
Instagram: Samgorflight