深水埗優遊半日

露露的自由行 於 26/10/2020 發表 收藏文章
露露其實都幾仲意深水埗,因為呢到影相絕對有文青既效果。而且有好多好型格既café 係呢到,岩曬一D想hea 時間既香港人。

呢一年,大家都迫住留番係香港。於是,我地作為香港人,可以再一次用全新既目光去了解呢個叫香港既地方。

每逢星期六日,都總係想晏D起身。所以露露就設計左一個系列既深水埗活動比大家。
一如過往,因為露露都係會係屋企,同屋企人食埋午餐先出街。所以就由下就2點到3 點先約朋友出街。

第一站 - 安靜既韓風café - Kactus Koffee

cafe 係正一間同名既精品酒店既地下。而鋪面比較細。要細心D先留意到。

呢間café 最大既賣點就係韓風。之所以覺得佢韓風,係因為兩樣野。第一,由韓國人打理。所以不論係店員定店主,你想同佢講野,一係講韓文,一係講英文。不過露露去個日,有位香港人既店員係到。所以,最後,都係講番廣東話啦。

鋪頭以簡約風為主,而店員亦都十分有禮貌。

如果呢間鋪頭,座落於港島區,相信影出對面既感覺會好吾同。不過對面係五金鋪,又有另一種舊香港既feel

左邊係Yuju Sparkling tea,右邊係抹茶latte

第二,飲品方面,同平時飲開既,有少少吾同。佢奶味相對會重D。當日,露露就試左一杯抹茶latte。面頭既泡沫就係店員即時用人手打既,都幾好味。而露露既朋友就叫左一杯,無咖啡因既飲品。Yuju Sparkling tea, 呢一杯既顏色都幾靚。

呢到亦都好出名Tiramisu,但係個日去到,都已經賣曬。所以都無得試。

呢一幅壁畫色彩十分鮮豔,好岩打卡。又或者同朋友一齊坐係出面吹水。

呢到之所以靜,係因為鋪頭吾大,而呢間鋪係屬於後街既位置。所以吾多人。而鋪頭旁邊既後行,一改大家對後行既印象。加左好多燈,同一幅大壁畫。所以,令到成間鋪頭,型格左好多。

不過,因為呢到都屬於後街。所以如果夜晚行,都要自己注意安全。
地址: 深水埗海壇街164號海安閣地舖

第二站 - 去嘉頓山影相

雖然嘉頓山叫山,其實只係幾步樓梯,就會到一個平台。可以影相,吹水。

最近大家都喜歡影相。而露露個人就認為,嘉頓山絕對係一個好岩練影相既地方。

如果日落既時候,陽光最柔和,最岩影一D逆光既相。呢一類絕對係岩文青既你。如果想影番D自然,真我既話,中午影都吾錯,陽光係正頭頂,影出黎,陽光充足,一定會好活潑。

如果吾想影相,吾緊要,可以兩個人上黎呢到,睇住風影,傾下計。雖然無位坐。但係企係到傾計都吾錯家。

呢個景色,都可以話睇左半個九龍既景。如果仲意望樓景,萬家燈火。夜晚上黎影,都好靚。

嘉頓山又可以好chill 甘過一個下午,因為嘉頓山面向西面。所以睇日落都係幾靚。不過男友們,最好帶D蚊怕水。因為上面都幾多蚊。

由嘉頓山望番落黎,係九龍區既景色。而露露最仲意睇下各區具標誌既建築物。例如旺角係朗豪坊,尖沙咀係K11等等。

第三站 - 素年
相片取自網絡

最近素食成為新興既菜式,而素年係網上其中一間最紅既鋪頭。當然要去試下啦。露露一向都係以海鮮同素食為主。吾食豬牛羊。

而係素年,露露就同朋友一齊試下呢間鋪頭到底值吾值得等位啦。素年係深水埗都有兩間分店。而公眾假期想黎食,就建議大家早一兩日黎book 位。Book 位個陣,店員會同你confirm 你去邊間鋪頭食。

素年最出名就梗係豬扒飯。佢係素肉黎,最出色既地方係,塊素豬扒,好似食緊真豬扒甘。不過露露都要公道D講一句。其實如果炸左都甘似肉,都真係落左好多加工既成份落去。

露露既好朋友當時指,如果要D意粉有莞茜味,就要將莞茜打汁,再同意粉一齊炒。就會更好食。

而個呢意粉,就吾太出色。只係以莞茜作為賣點。但係除左面頭個幾條莞茜之外。露露又真係睇吾到有咩甘特別。

個漢堡亦都吾錯,因為食落,真係好似肉。然後素年選擇用蕃薯條做配菜。呢個蕃薯條,十分可口。所以都會忍吾住,係甘食。

呢件蛋糕既賣相,吾差。不過口感,就真係吾係露露杯茶。

不過,試過一次佢既蛋糕。作為蛋糕愛好者,呢個蛋糕吾太合露露口味。因為杏仁味,或者豆味太重。露露露太喜歡,如果喜歡豆類既朋友,可以試一試。

地址: 深水埗福華街191-199號福隆大廈1號地舖

有興趣睇番露露其他既經歷,可以訂閱同分享我既專欄
https://travel.fanpiece.com/travelaroundwithyou/
多謝各位既閱讀。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→