【懷孕分享】公立醫院陪產安排 2022年8月

 

今日去QE做產檢，順便問下姑娘最新嘅陪產安排。
 上兩個星期仲話老公只要打齊3針就可以當日係屋企做快測，拎住個快測negative結果自拍就可以入產房陪產。

到今日原來收緊咗.....

由8月1日開始，無論係咪康復者或打齊針，都一定要出示48小時內的核酸檢測陰性證明先可以陪產。

如果BB早產，醫院可以酌情比爸爸出示24小時內嘅快測陰性結果，但要喺兩日內補交核酸檢測證明。

所以如果差唔多到預產期嘅話，爸爸記得做定核酸檢測。