【香港入境檢疫】關西機場出境 香港入境檢疫流程 BB檢疫 2022年10月

 

分享下關西機場上機前同香港落機之後既流程～
關西機場：
香港政府規定要喺起飛時間前24 小時進行快測，BB就用係藥妝店買嘅口水快測包（唾液檢測）。

聽朋友講係泰國機場要show陰性快測結果，原來唔駛出示。實情係要網上完成衞生署健康申報表（www.chp.gov.hk/hdf），出示系統入面個綠色健康申報QR code先可以排隊做登機手續（辦理登機手續時都要出示綠色健康申報二維碼比地勤查核）。現場好多人都唔知，個個即場拎部電話出嚟撳。（BB都要show綠色健康申報QR code㗎！）
同BB一齊係可以帶超過100ml嘅液體過Security check ，經歷咗關西機場security system down機三個鐘後，我哋帶個包奶已經飲到少過100ml。過機我特登拎出嚟分開過，關員見到有拎個奶袋同奶樽去另一部機度Scan多次先放行。

而家唔駛再由passport搣免稅單出嚟放入箱，改成分兩條line，無買免稅品可以向前行，有買免稅品就要係部機scan護照。

－－－－－－－－－－－－－－－－－

香港機場：


一落機就係採樣站，出示身份證同綠色健康申報二維碼，每人獲派一條頸繩，之後就做核酸檢測。BB唔使做，但就比咗個樽我話跟指示留大便。入境手續前有職員睇頸繩派醫學監察通知書單張，按上面指示可以下載醫學監察通知書。之後繼續正常入境過關拎行李。

－－－－－－－－－－－－－－

由於唔清楚BB嘅檢測安排，返到屋企我打咗去衛生署問：

返到香港頭七日要做快測，BB要唔要做？
～ 三歲以下唔需要
BB要唔要做核酸檢測？係咪都係同大人指定個三日做？
～三歲以下唔駛做第2、4、6日嘅核酸檢測，只要係抵港後7日內交一次便便就可以。（樣本收集點https://www.coronavirus.gov.hk/pdf/specimen_collection_points.pdf）

三歲以上要唔要upload快測結果？
～upload屬自願性質，但需要影相儲存喺手機入面以防當局作突擊檢查。