離開曼谷，我就向清邁出發，今次嘅清邁之旅我搵咗個伴！就係忠哥啦，佢對車方面認識比較多，我相信對我呢個車盲會有啲幫助！
點解會特登去清邁搵車呢？其實係因為我同女朋友喺2012年去清邁旅行嘅時候，係街頭都見到好幾架VW Bus！直覺上覺得好似係清邁易啲搵到。
2012年到清邁旅行時，住果間民宿老闆架車!
民宿個名~pat’s klangviang boutique guesthouse, 都唔錯，有興趣去Search下啦~
入面D 皮都好靚咖!
再加上同女朋友討論應該去邊度搵車嘅時候，佢話：
「嗱！我當你係香港要買架咁嘅舊車，點都唔會去金鐘中環買㗎啦，去元朗錦田呢啲偏遠啲嘅地方先差唔多咖嘛～」
以我嘅理解，根據佢上述嘅推論，即係佢覺得我唔應該係曼谷搵，要去遠啲嘅地方，好似清邁呢啲地方先岩。但係結果係點? 唉…都係唔好講喇…..
嚟到清邁，其實我都無明確嘅方向去搵車，我選擇咗住喺古城附近，而呢6日清邁之旅，我會分別住3間唔同嘅旅館，希望可以最少有3個機會去問下唔同嘅人有關camper van嘅下落。安頓好啲野之後，我同忠哥就租咗架電單車代步，不過其實我咁大個仔都未揸過電單車….
忠哥呢幾日辛苦你喇!!!
住方面，第一間旅館:
第1,2日嘅旅館$8x一晚
木建築，都幾有味道。
至於房內嘅質素呢…..留返啲幻想空間俾大家呀!
呢道每日七點前你就會聽到出面啲雞不停咁叫，會令你好有想去殺咗佢嘅衝動，不過忠哥喺呢方面真係有啲能耐，每日都可以堅持到十至十一點先起身，呢段時間，我通常都會自己出都影下相:
晨咁早…
第二日就正式開始我哋嘅尋車之旅！我哋先問旅館嘅人，點知佢地都話唔係好清楚邊到揾到我哋想要嘅VW bus , 不過佢地就話，過咗河之後，近運動場嗰邊有好多二手車店，叫我哋過去睇下。咁好啦！我哋就即刻揸電單車過去睇吓啦！過咗河之後大約幾分鐘，就開始見到好多大大小小嘅二手車店，但係都見唔到VW bus 嘅身影,去問d 車房哥哥，佢地都話無。
我就係用呢張相去四圍問!
好彩我夠面皮厚，問咗幾間，終於有個哥哥仔有啲指示喇，佢叫我向前行過左橋再前少少就有間Volkswagen 嘅鋪，不過佢講完一輪之後我都唔知佢講係咩鋪？唔理咁多，難得有指示，我同忠哥就照車房哥哥仔嘅講法行左幾分鐘…..我地終於見到喇！！！
寫住VW!!! 仲唔係你!!!!
原來哥哥仔講嘅就係呢間專門整VW 舊車嘅車房!
對於我呢啲新界鄉下仔嚟講，真係大開眼界，其實平時普通車房都唔會去嘅我，嚟到呢啲地方，樣樣野對於我來講都係神奇得意，左影右影，呢條香港仔好似啲港女去左hello kitty land咁傻Q左！
WOOWOOO!!! VW!!
VW Made in Germany, 型到呢~~~
對於我呢啲新界鄉下仔嚟講，其實呢一堆野已經好新奇!!
雜亂得來又好齊整!
D PARTS 有型到呢…
玩左10分鐘之後開始回一回神，終於醒覺我唔係嚟影相！就即刻拿拿臨走去同車房老闆吹下水先！
老闆!
好彩呢道個老闆識講少少英文，同我差唔多啦（即係大部份要加手語協助），跟住我就同佢講左我嚟車房嘅原意，佢話依家呢度已經好少VW bus咖喇，因為曼谷多人玩（原來架車真係要去中環搵咖囉！），同曼谷啲人出得起錢，所以好多車都已經運咗過去。
佢話而家只有一架T2放左喺度寄賣，叫我睇下啱唔啱。不過都係嗰句啦，當時我對T2都睇唔上眼，敷衍左老闆幾句就算（魚旦，真係對唔住…）。
當時我真係無唸過要買T2… 不過而家睇返，除咗我麻麻地個藍色之外，佢都幾靚仔…
從相裏面就可以睇到老闆對Volkswagen 嘅熱愛，同埋老闆係未食飯嘅!!!!
之後老闆仲話，佢朋友有兩架T1想賣，不過好殘，要花好多時間同錢去整…另外最麻煩嘅就係，其中一架車係無藍簿blue book (泰國牌簿，用作登記車主同轉讓，如果想運出國就更加係必需品！而天真嘅我個刻係想買架車返香港嘅…），所以都幾麻煩。
呢本就係BLUE BOOK，即係泰國嘅牌簿!
不過，一場嚟到，點去睇下先啦！老闆仲同我講，停車場就係「全清邁最好味嘅泰北咖哩麵」隔離！叫我記得要食！！！聽完老闆咁講，有得睇車，又有得食麵，更加無理由唔去啦！
二話不說，我同忠哥說出發啦，好彩有電單車！果個地方離車房不遠，都只係兩三分鐘車程，亦唔算難搵！一去到門口，直望就見到兩架T1同一架甲蟲車喺我面前，我又好似港女見到hello kitty咁，一支箭咁衝過去！（其實應該真係只差在無大嗌：好得意呀～～～）
因為佢地，我又變咗港女… 唉….
見到架車身同車籠全部都生曬銹，飽歷風霜咁樣，但係都遮掩唔到佢嗰份師氣，真係好靚仔呀！
生曬銹…
個引擎…..
佢生銹嘅程度，要整番好，我估都要用好長時間同唔少錢。唉….
其實周圍仲有其他古董車:
呢架都好有型!!
玩左大半個鐘之後，忠哥同我都已經好肚餓喇，拿拿臨行過對面食碗泰北咖喱面 Kao Soi（ 魚旦個名都係由佢引發出嚟咖咋，詳情可睇舊文）。
「全清邁最好味嘅泰北咖哩麵」個門面…
其實間鋪門口完全唔起眼，非常普通，老闆唔介紹真係唔會特登行入去，加上我哋去食嘅時候，已經差唔多係下午兩三點，所以食客亦唔多…
望落無咩人氣…
事不宜遲，先叫咗兩碗咖哩麵，再出檔攤睇吓有咩嘢好食！
「全清邁最好味嘅泰北咖哩麵」!!! 真身!
唔識睇餐牌，唯有出去點指兵兵!
最後再點左春卷同泰北香腸！
個春卷都好正!!即炸!!入面好多蔬菜!
嘩！勁好食！再望吓牆上面嘅相，原來連泰國皇室嘅公主都有特登過嚟食面！ 而因為呢個面太好食，亦引發咗我之後同女朋友再嚟清邁嘅爆笑事件！（等下我! 遲啲再分享～ ）
半日都已經好精彩（頂!咁長…我寫到想死..），其餘嘅精彩環節，容許我下一篇再繼續啦！
********************************************************************************************************
記得LIKE 埋我FACEBOOK PAGE, 緊貼魚旦同我呢個香港仔嘅流浪之旅~~
https://www.facebook.com/fishballhongkong
點解會特登去清邁搵車呢？其實係因為我同女朋友喺2012年去清邁旅行嘅時候，係街頭都見到好幾架VW Bus！直覺上覺得好似係清邁易啲搵到。
2012年到清邁旅行時，住果間民宿老闆架車!
民宿個名~pat’s klangviang boutique guesthouse, 都唔錯，有興趣去Search下啦~
入面D 皮都好靚咖!
再加上同女朋友討論應該去邊度搵車嘅時候，佢話：
「嗱！我當你係香港要買架咁嘅舊車，點都唔會去金鐘中環買㗎啦，去元朗錦田呢啲偏遠啲嘅地方先差唔多咖嘛～」
以我嘅理解，根據佢上述嘅推論，即係佢覺得我唔應該係曼谷搵，要去遠啲嘅地方，好似清邁呢啲地方先岩。但係結果係點? 唉…都係唔好講喇…..
嚟到清邁，其實我都無明確嘅方向去搵車，我選擇咗住喺古城附近，而呢6日清邁之旅，我會分別住3間唔同嘅旅館，希望可以最少有3個機會去問下唔同嘅人有關camper van嘅下落。安頓好啲野之後，我同忠哥就租咗架電單車代步，不過其實我咁大個仔都未揸過電單車….
忠哥呢幾日辛苦你喇!!!
住方面，第一間旅館:
第1,2日嘅旅館$8x一晚
木建築，都幾有味道。
至於房內嘅質素呢…..留返啲幻想空間俾大家呀!
呢道每日七點前你就會聽到出面啲雞不停咁叫，會令你好有想去殺咗佢嘅衝動，不過忠哥喺呢方面真係有啲能耐，每日都可以堅持到十至十一點先起身，呢段時間，我通常都會自己出都影下相:
晨咁早…
第二日就正式開始我哋嘅尋車之旅！我哋先問旅館嘅人，點知佢地都話唔係好清楚邊到揾到我哋想要嘅VW bus , 不過佢地就話，過咗河之後，近運動場嗰邊有好多二手車店，叫我哋過去睇下。咁好啦！我哋就即刻揸電單車過去睇吓啦！過咗河之後大約幾分鐘，就開始見到好多大大小小嘅二手車店，但係都見唔到VW bus 嘅身影,去問d 車房哥哥，佢地都話無。
我就係用呢張相去四圍問!
好彩我夠面皮厚，問咗幾間，終於有個哥哥仔有啲指示喇，佢叫我向前行過左橋再前少少就有間Volkswagen 嘅鋪，不過佢講完一輪之後我都唔知佢講係咩鋪？唔理咁多，難得有指示，我同忠哥就照車房哥哥仔嘅講法行左幾分鐘…..我地終於見到喇！！！
寫住VW!!! 仲唔係你!!!!
原來哥哥仔講嘅就係呢間專門整VW 舊車嘅車房!
對於我呢啲新界鄉下仔嚟講，真係大開眼界，其實平時普通車房都唔會去嘅我，嚟到呢啲地方，樣樣野對於我來講都係神奇得意，左影右影，呢條香港仔好似啲港女去左hello kitty land咁傻Q左！
WOOWOOO!!! VW!!
VW Made in Germany, 型到呢~~~
對於我呢啲新界鄉下仔嚟講，其實呢一堆野已經好新奇!!
雜亂得來又好齊整!
D PARTS 有型到呢…
玩左10分鐘之後開始回一回神，終於醒覺我唔係嚟影相！就即刻拿拿臨走去同車房老闆吹下水先！
老闆!
好彩呢道個老闆識講少少英文，同我差唔多啦（即係大部份要加手語協助），跟住我就同佢講左我嚟車房嘅原意，佢話依家呢度已經好少VW bus咖喇，因為曼谷多人玩（原來架車真係要去中環搵咖囉！），同曼谷啲人出得起錢，所以好多車都已經運咗過去。
佢話而家只有一架T2放左喺度寄賣，叫我睇下啱唔啱。不過都係嗰句啦，當時我對T2都睇唔上眼，敷衍左老闆幾句就算（魚旦，真係對唔住…）。
當時我真係無唸過要買T2… 不過而家睇返，除咗我麻麻地個藍色之外，佢都幾靚仔…
從相裏面就可以睇到老闆對Volkswagen 嘅熱愛，同埋老闆係未食飯嘅!!!!
之後老闆仲話，佢朋友有兩架T1想賣，不過好殘，要花好多時間同錢去整…另外最麻煩嘅就係，其中一架車係無藍簿blue book (泰國牌簿，用作登記車主同轉讓，如果想運出國就更加係必需品！而天真嘅我個刻係想買架車返香港嘅…），所以都幾麻煩。
呢本就係BLUE BOOK，即係泰國嘅牌簿!
不過，一場嚟到，點去睇下先啦！老闆仲同我講，停車場就係「全清邁最好味嘅泰北咖哩麵」隔離！叫我記得要食！！！聽完老闆咁講，有得睇車，又有得食麵，更加無理由唔去啦！
二話不說，我同忠哥說出發啦，好彩有電單車！果個地方離車房不遠，都只係兩三分鐘車程，亦唔算難搵！一去到門口，直望就見到兩架T1同一架甲蟲車喺我面前，我又好似港女見到hello kitty咁，一支箭咁衝過去！（其實應該真係只差在無大嗌：好得意呀～～～）
因為佢地，我又變咗港女… 唉….
見到架車身同車籠全部都生曬銹，飽歷風霜咁樣，但係都遮掩唔到佢嗰份師氣，真係好靚仔呀！
生曬銹…
個引擎…..
佢生銹嘅程度，要整番好，我估都要用好長時間同唔少錢。唉….
其實周圍仲有其他古董車:
呢架都好有型!!
玩左大半個鐘之後，忠哥同我都已經好肚餓喇，拿拿臨行過對面食碗泰北咖喱面 Kao Soi（ 魚旦個名都係由佢引發出嚟咖咋，詳情可睇舊文）。
「全清邁最好味嘅泰北咖哩麵」個門面…
其實間鋪門口完全唔起眼，非常普通，老闆唔介紹真係唔會特登行入去，加上我哋去食嘅時候，已經差唔多係下午兩三點，所以食客亦唔多…
望落無咩人氣…
事不宜遲，先叫咗兩碗咖哩麵，再出檔攤睇吓有咩嘢好食！
「全清邁最好味嘅泰北咖哩麵」!!! 真身!
唔識睇餐牌，唯有出去點指兵兵!
最後再點左春卷同泰北香腸！
個春卷都好正!!即炸!!入面好多蔬菜!
嘩！勁好食！再望吓牆上面嘅相，原來連泰國皇室嘅公主都有特登過嚟食面！ 而因為呢個面太好食，亦引發咗我之後同女朋友再嚟清邁嘅爆笑事件！（等下我! 遲啲再分享～ ）
半日都已經好精彩（頂!咁長…我寫到想死..），其餘嘅精彩環節，容許我下一篇再繼續啦！
********************************************************************************************************
記得LIKE 埋我FACEBOOK PAGE, 緊貼魚旦同我呢個香港仔嘅流浪之旅~~
https://www.facebook.com/fishballhongkong
請按此登錄後留言。未成為會員? 立即註冊