空姐都幫唔到你系列(二): 航班延誤

小菲菲空姐日記 於 06/07/2016 發表 收藏文章
航班延誤經常發生,而且延誤時間少至幾十分鐘,多至一日不等
另外,延誤既原因有好多,可以係因為惡劣天氣、飛機機件故障、航空管制等
航班延誤空中服務員以及地勤人員都不能控制或改變
但好多乘客都野蠻地搵航空公司職員出氣
完全唔明白就算你向我地發洩完都係無補於事
鬧完航班都唔會準時起飛,準時到達目的地
不過其實有時航班因惡劣天氣或機件故障導致延誤都係想保障乘客安全
你都唔想飛飛下俾個雷打中架飛機或者俾強風吹反架飛機架
或者飛飛下引擎發生故障唔郁或者著火既話
你覺得係咁既情況下你係飛機上既存活率有幾高?
果時應該係連神仙都救你唔到

試過有次飛日本機因天氣惡劣關係延誤
到達日本既時間已經係凌晨,機上面有D日本人就好氣憤
因為時間太夜,佢地無公共交通工具到市區或佢地住既地方
但因為日本人英文不太流利,佢地都會搵返日本CREW鬧
我就因此避過左,唔洗受乘客既氣,俾佢地鬧到無地自容
不過眼見日本既同事俾乘客鬧到跪晒係地都真係登佢地慘
但係有時乘客唔體諒,堅持覺得係我地錯我地都無野可以講
只能夠正面D想,自己係因為著住套公司制服先會俾人鬧

其實有時航班延誤都係迫不得意
有邊間航空公司唔想得到「高準時率」呢個美譽
延誤既原因大多係為乘客安全著想
而且延誤係唔會因為你搞大件事破口大罵而變準時
更何況我地空姐都係受害者之一呀! 我地都係要等,都係遲左收工
所以航班延誤係真係空姐都幫唔到你架

更多小菲菲空姐既日常,請Like FB: 小菲菲空姐日記
歡迎合作邀約

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→