不知由幾時開始，機師和空姐之間的Juicy故事，變成大家口中所講的「奇聞」🤡。尤其係身為機師嘅我，就更加唔知點解成日畀人誤會，認為我同大台嘅Cool魔一樣，身邊靚女多到數都數唔晒⋯我係Sam哥，唔係Cool魔呀，大佬！🤬🤬
不過，航空業的確有唔少呢類故事，無論對方係機師👨✈或空少定空姐，主動出擊嘅一方都會喺大家各自到酒店上房休息前拎定contact，然後用層出不窮、千變萬化嘅原因去進入對方嘅房間，然後⋯你懂的。今日就講一個「借轉插」嘅故事，「借轉插」於行內其實已經有一個約定俗成嘅意思，如果有興趣於Overnight的時候，同同事通宵交流，就可以返到酒店後，去敲門問目標同事借，然後交流一晚。
再講一次，今次故事的主角係我同事，Cool魔，唔係我。話說，有次Cool魔飛上海Overnight🛫，同機撞正一位知名「Crew Meal」(Crew Meal：一般指只供空中服務員享用的餐點，有時會暗指空姐)，呢位已經係Senior 嘅艙務長已經係出晒名的「聖女」，極具自信，全公司都知佢重男輕女，尤其係對新入職嘅嫩口小鮮肉🍖，更加係愛不釋手。即使做錯同一件事，囝囝都只可能係話兩句，叫佢小心啲；而囡囡就慘過畀人點天燈。話雖如此，但身材出眾、樣貌唔差嘅聖女，的確係「Crew Meal」中嘅極品，有唔少新入職嘅囝囝，多數係機師，都有受過佢無微不至嘅關懷同愛護。當然，聖女亦係同事間嘅恥笑對象，所以有一定資歷嘅本地機師多數都會避得就避。
返酒店前，聖女已經向Cool魔出手，⬅左一句：今晚不如一齊食飯？➡右一句：食完飯飲杯嘢吖～務求將Cool魔征服。但正所謂「道高一尺，魔高一丈」，作為專業獵人嘅Cool魔當然唔會輕易被食，要走人，亦走得瀟瀟灑灑💨。「Sorry呀～我有Friend等緊我呀。下次吖，下次再同你食飯。」一句，一句將所有麻煩推得一乾二淨，真心佩服！推得走麻煩，又不失禮貌，再加上佢一貫甜美又殺死人的笑容，真係有咩女會唔死喺佢手上？
下次下次，邊有咁易有下次？一間航空公司咁大，本地機組人員分分鐘超過二百人，再加上其他外地機組人員，要咁啱撞到同一班機，邊有咁易？咪玩啦！久戰沙場的聖女，當然不是省油的燈💡，點會咁易放走將近入口嘅鮮肉？到了入住的酒店，Cool魔近乎以九秒九的速度，走入房間，本想避開聖女的追擊。但你又點會估到聖女嘅追擊仲狼過林作、狠過葉問？
當Cool魔沖完涼，換咗衫，正想開門落街食個小龍包，就聽到門鐘響⋯打開門，就見到一個著住浴袍🧥，露出少少事業線，帶住一把水滴滴嘅長髮，兼拎住支白酒🥂嘅聖女。Hey，有咩幫到你？我準備落街食小龍包。「我好似漏咗帶轉插🔌，你可唔可以借畀我呀？」
然後？然後就沒有然後了～🔚
講真，呢種故事通常都會係同事間傳來傳去，最後有無「借」到，重要咩？話你知無「借」到，你信唔信？😏😏唔通真係著住浴袍，露出少少事業線，飲完酒拎完轉插就返房祈禱瞓覺咩！🤫🤫
==================================================
Facebook: Sam哥飛機駕駛艙
Instagram: Samgorflight
不過，航空業的確有唔少呢類故事，無論對方係機師👨✈或空少定空姐，主動出擊嘅一方都會喺大家各自到酒店上房休息前拎定contact，然後用層出不窮、千變萬化嘅原因去進入對方嘅房間，然後⋯你懂的。今日就講一個「借轉插」嘅故事，「借轉插」於行內其實已經有一個約定俗成嘅意思，如果有興趣於Overnight的時候，同同事通宵交流，就可以返到酒店後，去敲門問目標同事借，然後交流一晚。
再講一次，今次故事的主角係我同事，Cool魔，唔係我。話說，有次Cool魔飛上海Overnight🛫，同機撞正一位知名「Crew Meal」(Crew Meal：一般指只供空中服務員享用的餐點，有時會暗指空姐)，呢位已經係Senior 嘅艙務長已經係出晒名的「聖女」，極具自信，全公司都知佢重男輕女，尤其係對新入職嘅嫩口小鮮肉🍖，更加係愛不釋手。即使做錯同一件事，囝囝都只可能係話兩句，叫佢小心啲；而囡囡就慘過畀人點天燈。話雖如此，但身材出眾、樣貌唔差嘅聖女，的確係「Crew Meal」中嘅極品，有唔少新入職嘅囝囝，多數係機師，都有受過佢無微不至嘅關懷同愛護。當然，聖女亦係同事間嘅恥笑對象，所以有一定資歷嘅本地機師多數都會避得就避。
返酒店前，聖女已經向Cool魔出手，⬅左一句：今晚不如一齊食飯？➡右一句：食完飯飲杯嘢吖～務求將Cool魔征服。但正所謂「道高一尺，魔高一丈」，作為專業獵人嘅Cool魔當然唔會輕易被食，要走人，亦走得瀟瀟灑灑💨。「Sorry呀～我有Friend等緊我呀。下次吖，下次再同你食飯。」一句，一句將所有麻煩推得一乾二淨，真心佩服！推得走麻煩，又不失禮貌，再加上佢一貫甜美又殺死人的笑容，真係有咩女會唔死喺佢手上？
下次下次，邊有咁易有下次？一間航空公司咁大，本地機組人員分分鐘超過二百人，再加上其他外地機組人員，要咁啱撞到同一班機，邊有咁易？咪玩啦！久戰沙場的聖女，當然不是省油的燈💡，點會咁易放走將近入口嘅鮮肉？到了入住的酒店，Cool魔近乎以九秒九的速度，走入房間，本想避開聖女的追擊。但你又點會估到聖女嘅追擊仲狼過林作、狠過葉問？
當Cool魔沖完涼，換咗衫，正想開門落街食個小龍包，就聽到門鐘響⋯打開門，就見到一個著住浴袍🧥，露出少少事業線，帶住一把水滴滴嘅長髮，兼拎住支白酒🥂嘅聖女。Hey，有咩幫到你？我準備落街食小龍包。「我好似漏咗帶轉插🔌，你可唔可以借畀我呀？」
然後？然後就沒有然後了～🔚
講真，呢種故事通常都會係同事間傳來傳去，最後有無「借」到，重要咩？話你知無「借」到，你信唔信？😏😏唔通真係著住浴袍，露出少少事業線，飲完酒拎完轉插就返房祈禱瞓覺咩！🤫🤫
==================================================
Facebook: Sam哥飛機駕駛艙
Instagram: Samgorflight
請按此登錄後留言。未成為會員? 立即註冊