【食在上海】直擊大閘蟹故鄉——陽澄湖旁嘆蟹記

香港人在上海 於 31/10/2015 發表 收藏文章
大閘蟹其實就係上海毛蟹,特徵就係腳上面有啲金色嘅毛毛,白白嘅肚,愈厚身就愈肥美。喺上海由十幾蚊到百幾二百蚊一隻都有,而啲蟹係喺邊度嚟就其實無乜人知。有啲話喺太湖、有啲話喺長江;點樣最穩陣食到正宗陽澄湖大閘蟹,梗係去陽澄湖啦,笨蛋!

陽澄湖的真身,天氣唔好,睇唔到日落西山

秋風起,蟹腳肥。呢啲時間唔吃蟹就真係唔識食!香港坊間有啲大閘蟹自助餐,一次可以消滅一百幾十隻大閘蟹,一大堆人咁樣玩當然過哂癮。陽澄湖大閘蟹大家肯定聽過,咁有無去過湖嘆過蟹呢?今次就帶大家去陽澄湖湖畔嘅一家水中蟹庒試吓住喺果度啲蟹。

啲蟹嘅前世今生,最後都係落入我肚

依傳統知慧,就係九雌十雄。意思喺九月食乸,十月食公。但全球暖化,就影響到應該幾時食公啦!以前十月通常已經轉凍啦!啲公蟹嘅膏(白色㗎!)先會變得滑滑咁。但宜家上海啲天氣仲喺二十幾度,到差唔多十一月先會凍啲!所以要食到好正㗎嘅公蟹嘅話,就要留意天氣啦!十一月包無錯!

其它餸都好正㗎,唔使單食蟹咁單調

食大閘蟹梗係配好酒好醋,小弟要開車,酒就無法享受!上海人用嘅醋通常都偏甜,配啲薑末,味道帶一啲啲辣。除咗蟹之外,仲有好多農家樂嘅菜。例如:走地雞湯、辣炒螺絲、河蝦等。仲有一啲SIDE DISH,銀魚炒蛋,紅燒鵝肉,炒水芹都值得一試㗎!如果你早小小吃晚餐,係四五點到,仲可以享受湖邊日落嘅景緻!蔗渣嘅價錢,燒鵝嘅味道!

如果喜歡我們的文章,請即分享到︰

標籤: 食在上海  大閘蟹  陽澄湖  小店  

留言


請按此登錄後留言。未成為會員? 立即註冊
    快捷鍵:←
    快捷鍵:→